عنوان الموضوع : مقروط المقلة اللي درت اليوم تفضلو معاي
مقدم من طرف منتديات الضيافة العربية


الوصفة
3 كيسان سميد عادي ماهو ارطب ما هو احرش زي ماهو
كيلا سميد متوسط انتاع قلب اللوز
كيلا فرينة
كيلا مخلطة نصفها سمن نصف زيت
كيلا مانصفها ماء ونصفها ماء زهر
شوية ملح

الحشوة
غرس مضاف ليه شوي ماء زهر قرفة قرنفل جيجلانية وشوي سمن الكل اعجنيهم مع بعض انا زدت درت شوي كاوكاو مرحي غبرة
طريقة المقروط عادية
تبسيه بليدام وتبيتيه
الغد من ذاك زيديلو شوي ملح والماء خليه يتحط ساعة وواصلي العمل
ثم خليه يتحط ساعة اخرى بعد ما تشكليه و تقطعيه
قبل ما تقليه اغمسي
الجوانب اللي فيهم الغرس في بياض البيض مش مضرب
باش ما ينحرقش الغرس
اقول الجوانب فقط ليس كل الحبة اتاع المقروط اقليه ما تقلبيهش حتى يشقر لونو
بعد ما ياخذ لون شباب ومشقر
حطيه مباشرة في عسل مخفف بماء الزهر لازم ايكون شوي خفيف خليه يتحط بالعسل والعسل بارد طبعا
مدة 4 دقائق نحيه من لعسل حطيه بمصفاة يقطر
ثم عاودي عسليه بعسل ثقيل هاذ المرة
و احتفضي بيه في علبة محكمة الاغلاق
كل ما تحط كل ما زادت بنتو و ترمل اكثر
ايجي هايل وان شاء الله مستحيل ما ينجحش معاك
انا جربت حبات بقالب المعمول جاو هايلين و قليتهم
تقدري تعوضي الحشو بالمكسرات اللي تحبي
اذا نجح معاكم
و طبقتوه راح نعطيكم اروع قلب اللوز اديروه بحياتكم
و موفقات بحول الله











>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

باين روعة شكلا ومذاقا بصحتكم وسلمت يمناك

__________________________________________________ __________

>>>> الرد الثاني :

اعطيك الصحة اين المقادير وشككككرا

__________________________________________________ __________

>>>> الرد الثالث :

يعطيك الصحة يبان4444444444444444444444444444444444444

__________________________________________________ __________

>>>> الرد الرابع :

تسلم ايديكي.ممكن الوصفه؟؟؟؟

__________________________________________________ __________

>>>> الرد الخامس :

ماشاء الله روعة شكلا ومضمونا