عنوان الموضوع : les cornets حلويات جديدة
مقدم من طرف منتديات الضيافة العربية

مرحبا لبنات عيد ميلاد بنتي قرب وحبيت تعاونوني بوصفة les cornets نقدمها مع التاي وشكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

واش لبنات وحدة ما عندها الوصفة pleaaaaaaaaaaaaaaaaaaaaaaaaaaaaaaaaaaaaaaaaaaaaaaa aaaaaaaaaz

__________________________________________________ __________

>>>> الرد الثاني :

انا موالفة نستعمل الوصفة ديالي و رائعة بشهادة أقاربي و تطيب في الفرن لأنه كاين تع المقلة
و هذه وصفة مأخوذة من كتاب بن بريم
ثلاث كيلات فرينة
ثلاث ملاعق اكل سكر
كيلة مرغرين
صفار بيضة
ماء زهر
اجمعي المقادير كما هي مرتبة و خلي العجينة ترتاح
ثم افتحيها و قطعي شرائط و لفيها على المول تع الكورني
الطهي لمدة عشر دقائق في فرن متوسط الحرارة
حطي القالب واقف على الجهة اللي فيها الفتحة لكي تحافظي على شكله
خليها تبرد لكي يسهل نزعها من المول
و الحشو يمكن تخلطي لوز مرحي و حلوة تورك و جلجلان و تلميها بالعسل

__________________________________________________ __________

>>>> الرد الثالث :

صحيتي كيما نديرها غير الحشو ندير كرام باتيسيير مع مكسرات تجي ممممممممممممممممم مع العلم انها ما طولش تستهلك في اقرب وقت

__________________________________________________ __________

>>>> الرد الرابع :

ختي نمدلك الوصفة تاعي بصح كورني مقليين و الله بشهادة الجميع كل من تذوق حبة تهبل عليه و تدي الوصفة
خطرة درتو في عمرة خالتي و الله عجبهم قاع و ختي الصغيرة دايما ندرولها
كيلو فرينة+ جلجلان محمص حطي العبر اللي خبيتي مذا بيك و كان تكثري منو هو سر البنة أنا كي نديرو حتى نشوف الغجينة غير جلجلان+ 125غ زبدة ذايبة+2 حبات بيض+ ماء و ماء الزهر تلمي بيه
العجينة متخليهاش طرية بزاف يبسيها شوية و حطيها ترتاح الوقت اللي حبيتيه من بعد حليها رقيقة و قطعيهم مربعات و لفيهم على مول الكورني و قليهم و متعسليهمش ثم ثم إذا صنعتيه الصباح عسليه العشية و إذا صنعتيه فالليل عسليه غدوة من ذاك
وجدي الحشو: كوكاو محمص و مرحي شوية خشين+حلوة الترك+ جلجلان محمص و تلميه بعسل بارد و عاقد هاذو بلا عبر ديري بشوية حتى تكملي تعمار الكورني
إذا حبيتي إنقشي الكورني تاعك و العجينة لازم تكون رقيقة السر في البنة هو الجلجلان و الرقة تاع العجين و كي تقليه ميش تخليه صفر حمريه شوية
كيلو فرينة يقطع حتى 100 حبة أو زيادة شوية حسب الفرينة
و بالتوفيق و رديلي الخبر إذا جربتيه و عجبك و لا لا
و الله و كان راكي قريبة مني نخدمولك من عندي
و كل عام و بنوتك بخير إن شاء الله تشوفيها عروسة

__________________________________________________ __________

>>>> الرد الخامس :

شكرررررررررررررررررررررررررررررررررااااااااااااااا اااااااااااااااااااااااا عزيزاتي ربي يحفضكم ان شاء الله