خطوبتك في البيت ----> تعالي اقوللك افكار تجنن (ارجو التثبيت) جديدة
عنوان الموضوع : خطوبتك في البيت ----> تعالي اقوللك افكار تجنن (ارجو التثبيت) جديدة
مقدم من طرف منتديات الضيافة العربية
خطوبتك في البيت ----> تعالي اقوللك افكار تجنن (ارجو التثبيت)
هاي يابنات ازيكم وحشتوني جدااااااااااا معلش غبت عنكم كتير
عشان كده قولت لازم ارجع بقوة بموضوع جامد يفيدكم ويفيد كل بنوتة خطوبتها قريب
طبعا ساعات كتير العروسة بتقرر انها تعمل خطوبة عائلية في البيت
فانا قولت انهارده اساعدكم بشوية افكار جامدين جدااااااااا عشان تبقى خطوبتك تحكي وتتحاكى عليها
طبعا بيت العروسة بيختلف من واحده واخري فانا هتكلم عن لو البيت العروسة كان شقة او فيلا ياللا نشوف سوا
نبدا بتجهيز المكان
---------------
تجهيز مكان الخطوبة لازم يبقى فيه مكان للكوشة ومكان للمعازيم ومكان للبوفية
لو بيتك شقة بسيطة ممكن تبقى الكوشة كده
يعني ممكن تجيبي كنبة الصالون او الانتريه وتفرشيها بقماش ساتان وحطي حواليها ورود وزرع اخضر او ممكن 2كرسي فوتية وماتنسيش برضه الورد والتل
وكراسي المعازيم تزينيها ببساطة زي كده
طبعا لو مفيش مكان للتربيزات مش لازم بس اهم حاجه تزيني الكراسي عشان تدي منظر حلو
طبعا البوفية لازم يبقى شيك وبسيط في نفس الوقت نشوف مع بعض
شوفتي بسيطة ازاي يعني اي ترابزة مستطيلة افرشيها بمفرش ساده وفوقيه مفرش مطرز شيك
ومش لازم تكلفي نفسك اوي ممكن يكون البوفيه عبارة عن سندوتشات فراح او كفتة او شاورما وتورتات او جاتوهات
طبعا ماتنسيش ترابيزة خاصة للتورتة وتكون التورتة ادوار بس رقيقه وشيك
او ممكن تجيبي تورتة كبيرة فيها صورتك انتي وعريسك او مكتوب فيها اسمك انتي وعريسك
وايه رايك لو عملتي دخلة تجنن لبيت شقتكم زي دي كده
وممكن تعملي بوستر بصورتك انتي وعريسك وتحطيها على باب الشقة
--------------------------------------------------
اما بقى لو بيتك فيلا فدي هتسهل عليكي حاجات كتير وهتعملي حاجات كتيرة حلوة نبدا بالكوشة
او ممكن تعملي حاجه زي الكوشات اللي شوفتيها قبل كده
طبعا هنا بقى تقدري تعملي ترابيزات للمعازيم براحتك
او ممكن تفرشي الترابيزات بمفرشين والكراسي تزينيها بالورود والتل بس
تعالي بقى للبوفية هنا هنحتاج لاكتر من ترابيزة وياسلام لو كل واحده لها طول غير التاني هتبقى احلي كتير عشان تزغلل العين
طبعا يكون فيها سلطات (خضراء وطحينة وبابا غنوج وبنجر وحمص) اللي انتي عايزاه وماتنسيش المقبلات (المحاشي والسمبوسة والكانيلوني)ونيجي بقى للاطباق الرئيسية الديك الرومي او الفراخ واللحمه الباردة والكفتة المشوية براحتك خالص بس طبعا على قد ميزانيتك
مش لازم يكون حد مختص يعمللك الاكل ده ممكن مامتك وانتي برضه واخواتك او اصحابك وتجيبي مجموعه من السيرفيس الالومنيوم عشان ماتحتسيش وترصي فيها الاكل بطريقه حلوة ويزين بالجزر والخيار والطماطم والليمون وتعملي وردات حلوة كده بالطماطم وهيبقى البوفية يجنن
وطبعا التورتة دلعي نفسك بقى باحلى تورتات
هنا بقى جينا للدلع لو عملتي الحفله في حديقة الفيلا وكان فيه حمام سباحه ممكن تزينيه بالبالونات والورود زي كده
وممكن كمان بالاضاءة او الشموع
لكن لو هتعمليها جوه الفيلا ممكن تزيني السلالم كده
وماتنسيش بقى الاضاءة الحلوة وفيه ستائر من اللمبات الصغيرة جميلة اوي
حاجه اخيرة ليكي ياعروستنا ماتنسيش تزيني الكاستين بتوعك انتي وعريسك اللي هتشربي فيهم الشربات او المشروب زي كده
يتبع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عزيزتي ..
إن كلمة "ابداع" خلقت لتكون للمميزين دائماً..
أنتِ مميزة .. ياصاحبة القلم المميز ..
دام ابداعك .. دام عطائك ..
وسلمت أناملك الذهبية..
وتأكدي أني متابعة لك بقوووة..
أسأل الله أن يمنحك بركاته..
تحياتي و احترامي ..
__________________________________________________ __________
>>>> الرد الثاني :
كل حاجه كده تمام تعالي بقى نهتم بيكي يااحلى عروسة
طبعا زي ماكل حاجه انتي مجهزاها بسيطه لازم انتي كمان تكوني بسيطة
في فستانك ومكياجك وتسريحه شعرك او لفة الطرحة
تعالي نشوف فساتين حلوة تنفع للخطوبة في البيت
(اوعي تستغني عن الفستان وتلبسي تايير او فستان عادي)
المكياج يكون بسيط ويبرز جمالك
نصيحة (بلاش المكياج اللبناني او الخليجي لانه بيكون تقيل ومش هيمشي مع جو الفرح)وطبعا الحرية ليكي
التسريحات بقى انا عن نفسي شايفة ان التاج مش ممكن يبطل ابدا
لانه بيخلي العروسة زي الاميرة يبقى ازاي نقول انه بقى موضه قديمة؟؟
ولو محجبة متشليش هم مش نسياكي
لو الطرحة الاسبانش مش بتليق عليكي متشليش هم
ممكن تلفي الطرحة عادي خالص يعني لقدام مش لورا مع شويه ورود جاهزين هتبقى احلي عروسة
نصيحة اخيرة يابنات ( لو هتلفي الطرحه اسبانش فاحلي نتيجه بتبقى بالطرح التل لانها بتمسك كويس ومش بتتزحلق)
( لو هتلفيها عادي بلاش بقى التل وخليكي في الساتان والطرح الكريستال)
ومن قلبي ياحلى عرايس الف الف مبرووووووووووك وادعولي بقى ابقى عروسة قريب عشان اعمل كل حاجة اللي قولتلكم عليها دي
ماتبخلوش بالردود يابنات انا تعبت اوي في الموضوع ده ومستنية الردود الحلوة سلاااااااام
__________________________________________________ __________
>>>> الرد الثالث :
اقدم لكي التحيه عن الموضوع القيم
وانا استفدت من افكارك كتير
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
