تطبيقي لقلب اللوز باللبن بالشرح والخطوات المصورة اكلة مجربة

عنوان الموضوع : تطبيقي لقلب اللوز باللبن بالشرح والخطوات المصورة اكلة مجربة
مقدم من طرف منتديات الضيافة العربية

بسم الله الرحمان الرحيم

طبقت قلب اللوز باللبن للاخت ليليا وكانت النتيجة اكثر من رااااااائعة ربي يفرحها ويجازيها عنا كل خير
لذلك قلت نحط التطبيق مع الشرح والخطوات وهذا تلبية لطلب الاخوات


المقادير:

6كيلات دشيشة الخاصة بقلب اللوز
3كيلات سكر
كيلة زيت
كيلة لبن
رشة ملح
فاني
رشة خميرة كيميائية

الشاربات

6كيلات ماء
3 كيلات سكر
قطرات من عصير الليمون
فنجال صغير ماء الزهر


الطريقة:

بالنسبة للكيلة المستعملة تعتمد على الصينية لي راح نطيب فيها قلب اللوز يعني اذا كانت الصينية كبيرة نستعمل كيلة كبيرة واذا صغيرة نستعمل كيلة صغيرة

نكيل الدقيق ونحط في الصينية ونشوف للارتفاع اذا شفناه مرتفع بزاف نقص في الكيلة واذا هابط نستعمل كيلة اكبر

https://https://cdn.top4top.net/i_6fa8c8a1061.jpg



من بعد نحط الدقيق مع السكر والزيت ورشة الملح ورشة الخميرة الكيميائية وشوية فاني

https://https://cdn.top4top.net/i_01be2726291.jpg

ثم نضيف كيلة من اللبن انا استعملت نتاع القارورة

https://https://cdn.top4top.net/i_b1524e61131.jpg

https://https://cdn.top4top.net/i_84e82def9c1.jpg

نخلط المقادير غير بالاصابع راح نتحصل على هذا الخليط

https://https://cdn.top4top.net/i_db9761d8981.jpg
نضيف ماء الزهر غير بالشوية حتى يتكور في يدك يعني كي نحط كمية من الخليط في اليد ونحرك راح تتشكل عندي كويرة هذا يعني ان العجينة مليحة ماتحتاجش ماء زهر اضافي

https://https://cdn.top4top.net/i_b26ad58ac71.jpg


نغطي الخليط ونخليه يرتاح لمدة نصف ساعة

في هذا الوقت نحضر الشاربات

نحط السكر والماء مع قطرات ليمون على نار متوسطة ونحسب 10د من بداية الغليان ونطفي عليه ونضيف ماء الزهر

من بعد نشعل الفرن من الاسفل على 200د
ناخذ الصينية وندهنها بالزبدة ونحط الخليط في الصينية بلا مانضغط عليه
بواسطة ظهر ملعقة نعدله ونسقمه
ناخذ سكين ونشكل خطوط غير من فوق ونرشق حبات لوز

https://https://cdn.top4top.net/i_ca95eaf2cd1.jpg

ندخله للفرن ونخليه حوالي نصف ساعة المهم حتى نشوف الاطراف حمارت هنا نطفي من الاسفل ونشعل من فوق ونخليه حتى يتحمر ملييييح

من بعد نخرجه ونسقيه بالشربات مباشرة وهو سخون على مرة واحدة
https://https://cdn.top4top.net/i_e309c2be331.jpg

نعاود نرجعه للفرن وهو سخون ونغطيه بصينية اخرى ونخلي فتحة حتى مايعرقش

من الاحسن نخليه يبات من بعد نقطعه لكن مانظنش تصبرو عليه هذا المدة خخخخ اذن على الاقل نخليوه 6 ساعات يتشرب مليح الشاربات وهذا شكله بعد ماطاب

https://https://cdn.top4top.net/i_971a2cfef41.jpg


هنا كنت عملتو بالدقيق نصف الغليط هايل لكن بالدشيشة احسن بكثير


https://https://cdn.top4top.net/i_e7d642dd2e1.jpg


هذو السنيوات عملتهم لخواتاتي ربي يحفظهم

https://https://cdn.top4top.net/i_df4c544e9a1.jpg

https://https://cdn.top4top.net/i_5742fe4a9d1.jpg

https://https://cdn.top4top.net/i_3fa071eae21.jpg

شوفو كيفاه معسل وطري اممممم

https://https://cdn.top4top.net/i_8e42698f381.jpg


https://https://cdn.top4top.net/i_ced3f9c2591.jpg

نتمنى تجربوه خاصة ان شهر رمضان على الابواب

اللهم بلغنا رمضان



هذا الرابط

https://www.djelfa.info/vb/showthread...C7%E1%E1%C8%E4


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشاء الله
يعطيك الصحة اختي ام اماني كفيتي ووفيتي
شجعتيني باه نطبق الوصفة
تسلم الأيادي

__________________________________________________ __________

>>>> الرد الثاني :

واو اخت ام اماني حتى في التطبيقات محترفة ومبدعة ما شاء الله ربي يصونك من العين، وشكرا مجددا على التشجيع،

__________________________________________________ __________

>>>> الرد الثالث :

اممممممممممم تطبيق وعليه الكلام
خرجلك هااااااايل
راهو حاب ينطق ويخرج من الصور

__________________________________________________ __________

>>>> الرد الرابع :

امييييييييييين يارب
يعيطك الف الف الف صحة وربي يحفظك على هذا الشرح الرائعة ان شاء الله نعاود نجربو اكييييييييييد وشكر خاص لصاحبة الوصفة ليليا شكرا
حبيبتي اام اماني ربي يخليلك اولادك شكرا

__________________________________________________ __________

>>>> الرد الخامس :

هايل أختي أم أماني أنا كذلك نديرلو رشة خميرة يعطيك ألف صحة قوليلي كيفاش تقدر ندير الحشو تاع قلب اللوز يعني قلب اللوز محشي