عنوان الموضوع : ((الـــرمــــــاد )) لازالة الشعر وتخفيف الالم لتعتني ببشرتك
مقدم من طرف منتديات الضيافة العربية

((الـــرمــــــاد )) لازالة الشعر وتخفيف الالم



بسم الله الرحمن الرحيم


السلام عليكم ورحمة الله وبركاتة



بنات قريت معلومه وسويت سيرتش عنها وعجبتني وحطيت لكم تجارب من عدة منتديات عن الرماد وازالته للشعر وياليت الي مجربه تفيدنا بعد ولا تبخلون علي بالدعوات الحلوه قدرو تعبي على الموضوع ,, اترككم مع التجارب



انا عندي لكم طريقه راح تذهلللللللللكم بكل ما تحمل كلمة ((ذهول)) من معنى... و بسعر زهيييييييييد
و انا بنفسي جربتها للمنطقه الحساسه (و ممكن استخدامها لكل انحاء الجسم بعد ) قبل يومين و كنت في حاله يرثى لها من الصدمه و الذهول....جربو و بتدعولي

الفكره مو فكرتي... انا قريت عنها من زمان في منتديات ثانيه... و الله يعطيهم العافيه البنات اللي اذكرو الفكره هذي للجميع.

ما اطول عليكم...

المادة المستخدمه اهي..... الرمااااااد..... اي نعم... رماد الفحم... سواء الفحم الطبيعي او الفحم الصناعي... الاثنين ينفعون

تشبين الفحم و تنطرين عليه الى ان يصير رماد و يبرد... تاخذين الرماد و تحطين منه شوي شوي على المنطقه و تبدين ادلكينها... من 5 الى 10 دقايق... و كل ما زادت سماكة الشعر .. و كل ما زادت المنطقه حساسيه( مثل المنطقه الحساسه ) تحتاج فتره اطول بالتدليك....دلكي بقوه افضل

و بعد ال 10 دقايق .. حاولي تشدين الشعره بين اصابعج.. و شوفي الصااااااعقه..

الشعر ينسحب سحب بين الاصابع و بكل سهوله.... و اذا كانت الشعره سمييييكه ممكن تحسين بوخز خفيييييف يكاد لا يذكر ابدا....

جربوها يا بنات و انذهلو و انصدمو مثل ما انصدمت و انذهلت

و لا الم بعد اليوم

لما سمعتني جدتي أتكلم عن رماد نوى التمر الاخضر00وانه يزيل الشعر نهائيا قالت انا ليس في شعر ابدا منذ كنت صغيرة كانوا يعلمونا ننتف الشعر بالرماد اي رماد هو مؤلم لكن اول مرة يضعف الشعر وثاني مرة يضعف جدا وثالث مرة ينتهي للأبد....... وهذا من جدتي كلام مؤكد لاشك بس باقي الخلطة ذيك نشوف نتايجها ونعلمكم بإذن الله.....



اليوم عني وصفة بتتخبلون عليها وهاذي المقاير:
رماد الخشب

اولا في بنات ما يعرفون الرماد الرماد هو لما يحترق الحطب يصير لونه رمادي مثل البودرة

الطريقة :
ضعي مقدار من رماد على المنطقة المراد ازالة الشعر فيها ، خليها لمدة ربع ساعة وبعدين تضعف بصيلات الشعر وبعدين على طريقتش في نزع الشعر بالحلاوة او بالماكينة او بشمع او بنتف وابد ما يعور وانا مجربة من اسبوعين والشعر بعدا ما طلع واستخدمت طريقة النتف بس احسن طريقة انا اقول الماكينة
وسلامتكم


بنات اهي قصدها الرماد يعني بعد مايبرد الجمر ويخلص تاخذين الرماد طبعا مافيه شي اسمه رماد حار لانه تكون الجمره خلصت وبردت
والي قالو على مسام مفتوح ولا غيره ترا الرماد مايضر بالعكس اسالو الحريم الكبار جداتكم وامهاتكم وباكدولكم هالكلام انهم كانو يستعملون الرماد لازاله الشعر ومع الوقت يخف الشعر وطريقه الحريم الكبار انه ياخذون الرماد ويفركون المكان الي يبون يشيلون منه الشعر وسبحان الله بتلاحظين الشعر ينشال بيدج وبدون الم وممكن تستعملون الحلاوه مع اني ماجربت الحلاوه استعمل اله بروان لانه اسرع واسهل يعني تفركين المكان وهو فيه شعر مش بعد ازاله الشعر هذا الي اعرفه والي اسويه وطبعا تنفع لكل الجسم يعني كل المناطق


يابنات نسيت اقولكم ان الموضوع منقول بس للامانه والله ماجربت ودي اجرب لكن زميلتي جربت قبل لا تشيل الشعر بالحلاوة تحط رماد وتدلكة فيه المكان وبعدين تشيل بالحلاوة الشعر يطلع مرة خفيف وفيه اماكن ماطلع فيه الشعر نهائيا فأستنتجت ساعتها يعني معناته ان الرماد تموت البصيلات وقريت هالموضوع في منتدى ثاني وقلت لو نحطه بعد الشيل يمكن يكون نتيجتة افضل يموت كل البصيلات وعجبني وقلت انزله ( أخاف تسرعت والله قصدي افيدكم مثل مااستفدت من مواضبعكم ) نستفيد من بعض يمكن فيه اخوات عندهم تجارب او تحذيرات بس لا تجربون الا لين نشوف باقي الردود .



لكن يا عيوني اعرف ان الرماد يكون بعد الحطب او الفحم الطبيعي مو الفحم الصناعي انتبهو



مباشرة بعد حلقك لابطك خذي الرماد و ضعيه عليهما لمدة نصف ساعة ستشعرين بقليل من الحريق لكن اصبري فالنتائج روعة بعد مرور نصف ساعة اغسليهم بالماء البارد و امسحيهم بماء الورد و هذه هي اخر مرة تكوني استعملتي فيها فرشاة الحلاقة لابطيك و قولي وداعا لشعر الابط


وفيه طريقه قديمه اجدادنا يسوونها بس مادري مره سويتها وحرقت عمري امي تقول مو كذا والله اعلم

المهم الطريقه تجيبين الرماد وهو ساخن مو حار لاتصيرون مثلي وتفركين فيه المنطقه المراد شيلها ويروح باذن الله لانه راح يحرق الشعره من البصيله ولا راح يطلع


أخدت كميةا من الرماد وأضفت لها القليل من الماء ودلكت بها المنطقة التي أريد نزع الشعر منها وتركته 10دقائق ُم غسلته
وبعدها نزعت الشعر بالحلاوة لم أحس بأي ألم نهائيا ولكن ليس لدي أي فكرة ان كان يوقف نمو الشعر



وبسسسس ,, بنات قولو تجاربكم لا تنسون ,, وبعدين رطبي جسمك بعدها يقولون تجفف الجسم ولا تسوينها بالحمام بسم الله علينا رماد ترا << كش جسمي ,, لانو ماما مره طاحت على رماد وجسمها كله كش حبوب صغار وماراح الا لمن قرت عليه

يلا دعواااتكم






منقوووول

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكووووره يعطيك العافيه

__________________________________________________ __________

>>>> الرد الثاني :

المشاركة الأصلية كتبت بواسطة أم نونا
مشكووووره يعطيك العافيه

الله يعافيك

نورتي

__________________________________________________ __________

>>>> الرد الثالث :

أنا مجربة الطريقة

أفركي المنطقة بالرماد واتركيه عشر دقائق تتخدر المنطقة ويسهل إزالة الشعر باي اداه
سواء بالشمع او براون وغيره أما بالأصابع صعب مااقدر
مشكورة على الموضوع الجميل

__________________________________________________ __________

>>>> الرد الرابع :

__________________________________________________ __________

>>>> الرد الخامس :