عنوان الموضوع : إستدعاء الى م .ت. م ( e.t.i) البليدة سبتمبر 2015 مسابقة جديدة
مقدم من طرف منتديات الضيافة العربية

السلام عليكم ورحمة الله وبركاته وصلني استدعاء ل م .ت. م ( e.t.i) البليدة وراني معول نروح انشاء الله مع علم انو عندي مرض مزمن يحتاج الى مراقبة الطبية و تحاليل طبية كل شهرين او ثلاثة وعندي ملف طبي
لعندو معلومات حول هذه الثكنة من ناحية الملف الطبي إذا مزيرة ولالا يفيدنا بها
والله يوفق الجميع إن شاء الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حتى انا راني ماشي ليها في سبتمبر ان شاء الله ربي يجيب الخير

__________________________________________________ __________

>>>> الرد الثاني :

المشاركة الأصلية كتبت بواسطة kadri hassan
حتى انا راني ماشي ليها في سبتمبر ان شاء الله ربي يجيب الخير

أن شاء الله اخي يكون فيها خير

__________________________________________________ __________

>>>> الرد الثالث :

ربي يشفيك وان شاء الله تلقى غير الخير وتتهنى
أنا متطوع فيهااا ونروح فاليوم الاول 15 سبيتمبر وراني معول على دوسي ميدكال
وربي يستر ان شاء الله
نطلبوو من الاخوة لعندهم تجربة فيها يساعدونا بالمعلومات لعندهم

__________________________________________________ __________

>>>> الرد الرابع :

المشاركة الأصلية كتبت بواسطة no name rix
ربي يشفيك وان شاء الله تلقى غير الخير وتتهنى
أنا متطوع فيهااا ونروح فاليوم الاول 15 سبيتمبر وراني معول على دوسي ميدكال
وربي يستر ان شاء الله
نطلبوو من الاخوة لعندهم تجربة فيها يساعدونا بالمعلومات لعندهم


أن شاء الله اخي يكون فيها خير


__________________________________________________ __________

>>>> الرد الخامس :

خاوتي هل هذه المعتمدية بالبليدة ؟؟ صورتها من غوغل ايرث



المدرسة المتعددة التقنيات البليدة مدعوة سابقا ب (cfti)الان تدعا eti مدرسة لتدريب (ظباط وظباط الصف والجنود) الاحتياط والمتعاقدين
مدرسة تدرب خلال مرحلة تكوين ضباط وضباط الصف في الادراة والعمل المكتبي (كالسكريتاريا وغيرها )) توجد المدرسة في طريق العفرون البليدة.
وصلني التحاق بالمدرسة في سبتمبر 2013 وذهبت (الهاتف نقال مسموح به بالمدرسة وماكولات ممنوع ادخلها ماعدا الشكولاطة....) وصل دخول ضباط الاحتياطين الى غاية 700 ضابط احتياط وتم توقيف دخولهم لكثرة عددهم في 30 سبتمبر (يعني لازم تدخل قبل في 22 الى 30 في شهر مستدعى وليس خلال 15 في شهر مستدعى اليه) يتم انتقاء 270 ضابط من 700 وباقي (سورسي او فائض ) قدر الفائض في دفعتي بحولي 200 وحوالى 100 معفى لسبب طبي اما ضباط الصف بقي قبولهم ساريا حتى بعد 30 سبتمبر لنقصهم في الالتحاق حيث تم تجنيد 160 ضابط صف و حولي 900 جندي حسب ما اظن.
شخصيا قضيت 18 يوم من اسواء ايام حياتي بسبب عدم تفريق بين ضباط وجنود خلال فترة تدريب ولكن شاء الله ان اخرج من ثكنة باعفاء.
فحص طبي في ثكنة (انت وزهرك ) اذا اخدت معك دوسي طبي يوجد طبيبتان وطبيب (كابيتان) اذا فحصك طبيب فانت مقبول 100/100 حتى لو كنت مريضواذا مرت على طبيبة محجبة (يمكن تتحصل على اعفاء لو سمحت لك بذهاب لمستشفى عسكري (لي.يا. ار.بي)) وطبيبة اخرى شوية شوية

نقلا عن مشاركة الاخ الكريم ammiirr2012

تقنيات المعتمدية البليدة : تروح البليدة يحبسلك تحكم الحافلة تاع البليدة العفرون يحبسلك ف تدخل الكازيرنة تمدلهم لوردابال و بطاقة التعريف مبعد تروح تسجل نفسك و يمدولك رقم التسجيل إدا دخلت الصباح ممكن تفوت العيادة في نفس اليوم و ممكن تنتظر يوم أو يومين تدخلو العيادة في 20 أو أكثر بقليل، الفحص يختلف من طبيب لآخر، أنا مثلا جزت عند الكومندو وسمو "سخان" مزيّر بزاف ينيحلنا لحوايج و يفوت علينا بالواحد و يزيد يسقسيك على الملف الطبّي تاعك إدا كنت مريض صح يكتبلك ".instance.." باش تروح تجوز الفحص المضاد بالمستشفى العسكري بالبليدة الطبيب التاني كابيتان كي تدخلو عندو يسقسيكم لي عندو ملف طبي في جهة ولي ماعندوش في جهة أخرى، لي عندو ملف يكتبلو "instance." باش يروح يجوز الفحص المضاد بالمستشفى العسكري و لي معندوش، راح يلبس مباشرة .....تخرج من العيادة تروح للشّالي تآعك بعد مايمدولك 2 بطانيات (زور) نتا وزهرك كاين لي شالي فيهم أسرة و كاين لي ترقد فيهم على الأرض،نتا لازم تدي معاك أغطية (لي درا) وتبقى تسنا حتى يعيطولك باش تروح للفحص المضاد ممكن تكون في يومين أو أكثر من بعد الفحص الأولي للعيادة و ممكن أن تصل حتى 10 أيام !! المهم راح تتلاقا بناس من كل بلاصة فالجزائر، تتلاقا برجال ولاد فاميلية يترافدو بين بعضاهم هدي الحاجة لمليحة في لارمي بالإضافة إلى أن الهاتف مسموح بهذه المدرسة...ربي يسهلك خويا و لازم تصبر و لي كاتبة تلحق إن شاء الله مايكون غير الخير

شكراا لكم
خاوتني نباتوو في نفس الغرفة أو الشالي مع الجنود ؟؟
أو منفصلين الجنود وحدهم الضباط وحداهم ؟

المشاركة الأصلية كتبت بواسطة no name rix
شكراا لكم
خاوتني نباتوو في نفس الغرفة أو الشالي مع الجنود ؟؟
أو منفصلين الجنود وحدهم الضباط وحداهم ؟

ماتباتوش في نفس الشالي كل رتبة وحدها هذا كان لبستو ......اما كان ملبستوش يباتو سرجنا و الاسبيرو مع بعضهم حتان يفصلو في امرهم وهدا بدون ما يباتو معهم الجنود

السلام عليكم و رحمة الله

شكرا على هذا التفاعل و على امدادنا بخبرتكم جزاكم الله خيرا

أنا وجّهت لنفس الثكنة و بإذن الله لدي النية بالذهاب في دفعة سبتمبر

هل تنصحونا بالتوجه يوم 15 سبتمبر أو 22 سبتمبر ؟؟

مع العلم سأذهب دون اي ملف يعني سأذهب بنية التأدية فعلا مع الأمل أن تكون المدة عاما لا 18 شهرا

شكرا

هل تنصحونا بالتوجه يوم 15 سبتمبر أو 22 سبتمبر ؟؟
انا لوردابال يوم 15 سبتمبر



السلام عليكم أنا أيضا متجه الى البليدة يوم 15 سبتمبر

المشاركة الأصلية كتبت بواسطة no name rix
خاوتي هل هذه المعتمدية بالبليدة ؟؟ صورتها من غوغل ايرث

أرجو التأكيد ان كانت هذه هي المدرسة

من الافضل التوجه يوم 24 اذا كنت راغب في اداء الخدمة الوطنية (يعني تنقص قد متقدر من التدريب و توخى الحذر من غلق باب التجنيد ومعظم احيان يقفل في 29 او 30 من شهر) نصيحة مني حاول اخد معك اي ملف من اجل مماطلة فقط ......وعقوب ليكم تكونو فائض اخواتي ولعقبها كل بتساهل ربي