عنوان الموضوع : شكون تخيروا ؟ مسابقة جديدة
مقدم من طرف منتديات الضيافة العربية

السلام عليكم اخوتي الكرام بما ان الكثير منكم كتب مواضيع و استفسارات كثيرة عن الباراميديكال واكيد خرجتم بنتيجة ونظرة حوله
نحكيلكم : عطاوني تخصص علوم اسلامية في قسنطينة عاجبتني القراية فيها من حيث التفقه في الدين مي مانيش متصورة روحي كيفاش راح نعود نخدم استاذة علوم اسلامية ولا شي اخر خاص بالعلوم الاسلامية صح هذا شيئ مشرف ولكن ,,,,,؟ خاطش مسؤولية كبيرة ربي يعين ,,,, مالا اقترحوا عليا ندير باراميديكال خاطش الخدمة مضمونة ومبعد نقدر نفتح وحدي,,,, اما العلوم الاسلامية نقرى مبعد ندخل كونكورات نشوف ننجح ولا لا ؟ واذا ما نجحتش لا قدر الله نعشي نستنى في كونكورات اخرين ,,, ربي يجيب لي فيه الخير ان شاء الله وكما لا انسى ايضا فمعدلي 12,42 شعبة علوم تجريبية 2015 وشكون لي يصلح بيها هد المعدل؟
الله يفتح عليكم شكون خير علوم اسلامية ولا باراميديكال اعطوني رايكم وعلاش ؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كون ديريني فالراي شريك روحي باراميديكال خير بويسك انا تاني بعثوني علوم اسلامية في قسنطينة كذالك وحولت الى المدرسة العليا للاساتذة

وربي يوفقك الى ما يحب ويرضى

__________________________________________________ __________

>>>> الرد الثاني :

بارك الله فيك اخي وهل لي ان اعرف لماذا بدلت من العلوم الاسلامية؟

__________________________________________________ __________

>>>> الرد الثالث :

لعدة اسباب منها كما قلتي مستقبل غير مضمون ومنها اني علمي لست متعود على الامور الفقهية والادبية

بصراحة تخصص علوم اسلامية يجب ان يختار على ارادة وليس لمجرد اختيار وفقط

__________________________________________________ __________

>>>> الرد الرابع :

صحيح كيما قلت بالضبط وانا اخترتها هي الاخيرة مالقيتش بواش نعمر قلت نعمر بيها هي وخلاص مش رح يعطوهالي حتان كتبهالي ربي وش رح ندير
هوما ربي يهديهم يعطونا اختيارات مش قد معدلاتنا ومبعد نعشوا نتمرمدوا هك ربي يهديهم ويصلح هد الاحوال لي مايسلم منها غير القليل وحتى انا كنت حابة مدرسة عليا في الانجليزية مي ماعطوهاليش

__________________________________________________ __________

>>>> الرد الخامس :

انت ديري باراميديكال وهو تخصص مليح انا نعرف وحدة كانت تقرا معايا جابت معدل 15.23 وهو معدل يسمح لها بالالتحاق بكلية الطب لا كنها اختارت باراميديكال عن قناعة والناس كامل حارو فيها مي هي نورمال

المهم شوفي واش يليق بيك انت


ان شاء الله بارك الله فيك على الرد ربي يوفقك

برايي الباراميديكال احسن
المستقبل مضمون ان شاء الله
موفقه

الشبه الطبي أحسن .. بصح مام العلوم الإسلامية في جامعة قسنطينة حاجة فور .. خاطرش في قسنطينة كيشغل مدرسة عليا للعلوم الإسلامية

السلام عليكم .....
انا راني نقلك "باراميديكااااااااااااااااال" اخطيك مالجامعة والله ....
بالتوفيق