عنوان الموضوع : ☺الثالثة متوسط أجمل سنة دراسية،استغلوا جميع اللحظات التي ستمر فيها☺لأنها لن تعاد ☺فلتشتهدوا و نتوكل على الله و بسم الله♥ سنة 3 متوسط
مقدم من طرف منتديات الضيافة العربية

اللسلام عليكم جميعا
انا وسيمة عمري 14 سنة...
أنا الآن سأدرس السنة الرابعة متوسط إن شاء الله التوفيق للجميع
أريد فقط أن أطلعكم على أخباري في الثالثة متوسط
قبل كل شيء الثالثة متوسط هي أجمل سنة دراسية مرة بي لحدّ الآن من كل الجوانب
هي تفوق الروعة
و رأيي أن السنة الثانية واعرة على السسنة الثالثة بمئاااااااااااااااات المرات
متخافوش و مديروش في بالكم أنو الثالثة متوسط واعرة و الله الثانية أوعر منها
هي في الحقيقة دروسها لازملهم التركيز و الحفظ الجيد و الانتباه فقط مثل الرياضيات مثلا ...هي دروسها جديدا فعلا و دروس لم تتطرقوا لها من قبل هي دروس كأول مرة في الرياضيات لكن و الله ما تخلعو بزاف لي راهو خايف يدير في بالو فقط أنها لازملها جد في العمل لا غير
+
أنا شخصيا لاحظت أن الرياضيات و الفيزياء بدروسها شوية صعاب لا و الله ميش صعاب جدد نقدر نقول عليهم جدد مي و الله غير شخصيا جاوني هوما الحلوين فيهم
أما عن خصوص العربية فهي عادي كالسنوات الماضية تحضير مشاركة قواعد بخصوص القواعد فقط فيهم لي لازم تحفضيهم و دخليهم في راسك مليح با تقدري تعقبي الاختبارات و الفروض
أما عن الانجليزية و الفرنسية دروووووسهم مااا تشبعوش بيهم شخصيا الانجليزية كنت نشوق كل مرة للحصة تاعها رائعة و رايحين تستفادو بزاااف حوايج جدد في لي لونg هادو يبقاولكم في الراس حلويين
أما عن الاجتماعيات و كمممممممممممم اكرهك يا الاجتماعيات هههه و الله ما عندي ما نقول عليها غير حفيضا كيما تعرفوها مي معلومة الدروس تاع التاريخ روعة -مانيش نهدر على لحفيظة بارسك ماناهدروش عليها تقلق ههه -_- - الدروس و كأنك تعيش في الزمن و كأنك تعيد الزمن الى الوراء و تعيشه في هذا العام تاع الثالثة متوسط تلاحظ الفرق ميش كي دروس السامطة تاع الثانية متوسط هههه تلاجظ الفرق تاع من العصور القديمة للجزائر القديمة للاحتلال الفرنسي واااااااو هايلين كيفاه الاختلاف يبان في الدروس عجبوني شخصيا + في الفي الجغرافيا دروسها غير على القارات تستفادو حوايج هايلين على الخارج 44444 و الله
بخصوص أيضا االعلوم أوووووووووووووووو و الله هايلة سيرتو كن يقريكم أستاذ و لا أستاذة مليحة ...هااايلة تاع لباراكين و الزلازل و.... هاذا البرنام تاع العلوم شخصيا هوا لي عجبني تاع 3 متوسط هوا الميااااااار فيهم في 4 حبيتو
و الموسيقى و الرسم و السبور مانهدروش عليهم و لا وش قال ؟؟؟ ههههههههه بارسكو هاذوك كن نصيبوووووووو كن ماااا تخلاصش ساعتهم
++++++
بخصوص هاذو القوانين الجدد تاع الوزيرة الجديدة مثلا نقراو السبت و نقراو الثلاثاء لعشيا و من 8 ل 12 و من 1.30 لل5.30 ياااااااااااو يا الوزيرة يعني لااااه درتيلنا هكذا علابالكم و الله غير كو غير دارتلنا هاذا القانون العام لي فات و الله غير كن غيييييييير يعاودولي العام الثالثة متوسط و الله حابة نعاود نعيشو 2 فوا
المهم نا لي رانا بلا حتا معلومات على 4 متوسط هههههههههههههه رانا لاااااااااااااااا معلومة جديدة و مشجعة -_____-
ههههه المهم ربي يوفقنا كامل
أنا درت هاذا الموضوع باااه نشرحلكم برك وشنو هيا الثالثة متوسط كشما تسحقوني راني هنا و لا كشما ساؤل و لا سقسيو نشله نجاوب
+
حابة نعطيكم التحضير تاع العربية
https://www.tassilialgerie.com/vb/showthread.php?t=3749
هاذا هوا المليح فيهم ننصحكم طلو على الرياضيات و على العربية و النجليزية و الفرنسية من ضك على الأقل طلا خفيفة تفهمو من خلالها وشنهي الدروس
+
عندي وحد البرنامج هااااااايل تاع مات الثالثة متوسط
فيه أولا حلول الكتاب ثانيا تمارين و حلولها و بزاااف حوايج ملاح أني قلبت عليه الدنيا ملقيتوش ضك نزيد نحوس مليح و نعطيلكم البرنامج
+
هاذا تستفادو منو بزاااااااااااااف ننصحكم ديرو بيه راهو هايل في السيجيات في المواضيع روعة طلو عليه
https://3am.ency-education.com/
+
حابة نعطيكم نصائح ميش غير للثالثة متوسط لكل السنوات ان شاء الله
...
1- تبعو مع الأستاذ مليح كي يكون يشرح لأنو هاذا هوا العنصر الوحيد لي يطلعك في المعدلات التركييييييييز ثم التركيز هوا كلش ...متقولوش راني ندنق فيه و نسمع فيه يعني راني نركز لالالالالالا نركز يعني ندقق ملييييح وش راهو يقول
2- الحفظ ثم الحفظ أي درس تكتبو أحفضو ..هاذي لكلمة راهي شايعة مي قليل لي يديرها ...نصيحة الدرس لي تكتبو أحفضو و كي تكون فارغ شغل مثلا تتعشا و لا حجا هكذا عاود الدرس بينك بين روحك و لوكان شفت روحك حبست في حاجة أعرف بلي ماكش حافضها مليح روح عاودها و ركز عليها
3- التمارين المنزلية مديروش غير لي عطاك الأستاذ أستعمل انت مادامها عندك أكتب الدرس لي راك فيه و دير تمارينو و حلولو حل التمرين و روح شوف الحل وين راك غالط عاود ركز فيه
3 - لي ما تفهمهاش في القسم سقسي عليها نقلكم ديرو لاباطاي و سقسيو ههههههههههه متقولش نحشم و لا سؤالي تافه و لا ضك يقولو بلي راسي يابس ما يفهمش ...أو يقولو وااااااااش يحبو أنا نسقسي و الباقي على ربي أوك ؟ سقسي لي ما تفهمهاش في دقييييييييقتها و لا مثلا غلت في حاجة في التمرين في الدار و شفت الحل مي مفهمتش روح سقسي خاوتك و لا والديك يجاوبوك
- و كاينين نصائح بزاف مي متفكرتهمش هههههه المهم ديرو لي عليكم و اشتاهدوا
و استغلوا كل دقيقة تعقب عليكم من هذي السنة تاع الثالثة متوسط و الله هي أحلى و أجمل و أروع و أفيد سنة دراسية راااائعة بحق
و وفقكم الله إلى اللقاء
متقولوش نساتنا في البرنامج تاع المات هههههههه نونو منسيتش كي نلقاه نحطو في نفس هااذا الموضوع
وفقكم الله...وفقنا الله
أحبكم
أدعولنا حنا تاع الرابعة متوسط ربي ينجحنا
+ كي نجيب البيام ان شاء الله نجي نقلكم قداه أدعيولنا برك هههههههه
نحبكم حبوباتي كااااااااامل
و ما تنساوش يا نسا اشتاهدو و قولو ندي العام هاذا بمعدلات روووووعة و لا مانيش مرة
و ياااا رحال ما تنساوش اجتاهدو و قولو ندي العام هاذا بمعدلات رووووووعة و لا مانيش راجل
إن شاء الله في كلش
في أمان الله أحبكم جميعا
وفقنا الله <!-- المواقع الاجتماعية -->
<!--/المواقع الاجتماعية -->

<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :

أهلا أختي وسيمة
أنت محقة بالنسبة الي أيضا كانت السنة الثالثة متوسط هي أفضل سنة فقد كانت ممتعة حقا كنا أننا اكتشفنا العديد من الأشياء
وفقنا الله تعالى في bem2015 ان شاء الله <!-- المواقع الاجتماعية --> <!--/المواقع الاجتماعية -->

__________________________________________________ __________

<h3>>>>> الرد الثاني :

المشاركة الأصلية كتبت بواسطة sousan2001
أهلا أختي وسيمة
أنت محقة بالنسبة الي أيضا كانت السنة الثالثة متوسط هي أفضل سنة فقد كانت ممتعة حقا كنا أننا اكتشفنا العديد من الأشياء
وفقنا الله تعالى في bem2015 ان شاء الله


إن شاء الله يا رب و وفقهم هوما ثاني ربي ان شاء الله في الثالثة متوسط و يوفقنا كااامل كيما رانا <!-- المواقع الاجتماعية --> <!--/المواقع الاجتماعية -->

__________________________________________________ __________

<h3>>>>> الرد الثالث :

شكرا جزيلا لك اختي بارك الله فيك وربي يوفقك ان شاء الله وتجيبي البيام بالمعدل اللي تحبيه ان شاء الله ياربي
وربي يوفقنا جميعا
اه حبيت نسقسي كاين منها هذوك القوانين نتاع الوزيرة الجديدة ؟ تع السبت والاحد ؟ وال5.30 ؟ ولا اشاعات ؟؟؟؟؟؟؟؟؟؟؟ جاوبوني بلييييييييييييييييييييييييييييييز <!-- المواقع الاجتماعية --> <!--/المواقع الاجتماعية -->

__________________________________________________ __________

<h3>>>>> الرد الرابع :

لا اظن ان تلك القوانين صحيحة
اظننا سندرس عادي
هذا ما اعتقده وشكرا
....
شكرا على مرورك حبيبتي بثينة و لا مرسي على واجب <!-- المواقع الاجتماعية --> <!--/المواقع الاجتماعية -->

__________________________________________________ __________

<h3>>>>> الرد الخامس :

اه الحمد لله اختي بارك الله فيك <!-- المواقع الاجتماعية --> <!--/المواقع الاجتماعية -->


السلام عليكم
انا ايضا مقبلة على شهادة التعليم المتوسط 2015
فعلا السنة الثالثة اجمل سنة دراسية . التمنى التوفيق لجميع التلاميذ <!-- المواقع الاجتماعية --> <!--/المواقع الاجتماعية -->

فعلا السنة الثالثة متوسط رائعة <!-- المواقع الاجتماعية --> <!--/المواقع الاجتماعية -->

اريد ان اقول للتلاميذ المقبلين على السنة الثالثة متوسط استغلوا جميع لحظاتها <!-- المواقع الاجتماعية --> <!--/المواقع الاجتماعية -->




بارك الله فيك اختي العزيزة موضوع في القمة ♥☺

 <!-- المواقع الاجتماعية --> <!--/المواقع الاجتماعية -->

المشاركة الأصلية كتبت بواسطة ملوكة الجزائرية



بارك الله فيك اختي العزيزة موضوع في القمة ♥☺

و فيكِ بركة أختي لا شكر على واجب <!-- المواقع الاجتماعية --> <!--/المواقع الاجتماعية -->

المشاركة الأصلية كتبت بواسطة رجائي يا الله
اريد ان اقول للتلاميذ المقبلين على السنة الثالثة متوسط استغلوا جميع لحظاتها

yes sure <!-- المواقع الاجتماعية --> <!--/المواقع الاجتماعية -->

المشاركة الأصلية كتبت بواسطة ترانيم الامل
السلام عليكم
انا ايضا مقبلة على شهادة التعليم المتوسط 2015
فعلا السنة الثالثة اجمل سنة دراسية . التمنى التوفيق لجميع التلاميذ

نعم فعلا شكرا للمرور <!-- المواقع الاجتماعية --> <!--/المواقع الاجتماعية -->

شكرا على النصائح اختي ♥
troisième année c'est la base ☺ <!-- المواقع الاجتماعية --> <!--/المواقع الاجتماعية -->

اختي العزيزة شكرا لك على هذه النصائح وربي يوفقك ان شاء الله وكيما يقولو الثالثة متوسط هي la base <!-- المواقع الاجتماعية --> <!--/المواقع الاجتماعية -->