عنوان الموضوع : رشمات رشمات رشمات ( طرز الميكرو ) تفصيل و خياطة
مقدم من طرف منتديات الضيافة العربية

السلام عليكم و رحمة الله تعالى و بركاته
اهلا بكن اخواتي . كيف الحال ؟ اتمنى انكم على احسن احوالكم

اليوم انا جبتلكم فكرة من نوع خاص

ياخي كلنا نحوسو على لي مودال جدد و نكونو احنا اول من لبسناه . او نكونو من القلة لقلائل .( ياخي و لا اني غالطة )

ايا منتولش عليكم علبالي قاتلكم الفضول باه تعرفو واش جبتلكم

كما قلت في العنوان انا عندي ر شمات خاصة بطرز الميكرو . راح نحطلكم بعض الموديلات منها في المرة القادمة ( اي بعد ما نعرف رايكم )

و الي عجبها كاش مودال و حابة نعطيها الرشمة بأبعادها الحقيقية و واجدة موجدة باه تتحط في الميكرو . تقولي

و انا في المقابل نطلب مبلغ مناسب لكل رشمة ( ايه نبيعلكم )

و اذا وحدة فيكم اي تتساؤل كفاه راح تخلصني ساهلة : راح نعطيكم نيمرو تاعي ( رقم الهاتف المحمول ) و نتوما تفليكسيولي فيه و لا رقم الحساب تاعي ( ccp ) بالبنك ( مع اني واثقة بلي لفليكس راح يجيكم ناقص تعاب )


دوكا نظن فهمتو الموضوع
هو عبارة عن بيع رشمات خاصة بطرز الميكرو و الدفع راح يكون اما بالفليكس و اما برقم الحساب في البنك

و الان انا راح نستنا رايكم و نشوف يا هل ترى نلقى بنات عاجبتها الفكرة و راي مستعدة تشوف و تشري ولا لا

مع العلم انو الموديلات و الله روعة مش غير كي عاد حابة نبزنس فيهم . و تعبت اخررررر باه جبتهم



اترككم في حفظ الله و عونه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وعليكم السلام و رحمة الله
شوفى خولة طرحك للموضوع ماشى غلط و لكن راى الخاص و ما تزعفيش انو ملى اشتركت فى هد المنتدى و انا استفت كثيييير و كل واحد يحط الى عندو دون مقابل ............ارجو انك فهمتينى

__________________________________________________ __________

>>>> الرد الثاني :

السلام عليكم اختي .... و انا راني معاك في هذه . منتدى الجلفة مكان استفدنا منو الكل حتى غير الاعضاء . و طرحي للموضوع مش يعني اني بخيلة و لا منحبشنساهم و نساعدخواتاتي . لا بالعكس اكيد راح نحط مواضيع تعجبكم بزاااف و تستفادو منها بربي ..... مي هذا باب رزقي نقدر نساعدكم صح في الاسعار مي غير ههك منقدرش ..... و اختي انامفهمتش وين المشكل بالضبط اذا حطيطعرض تجاري هنا ... نظن ان المنتدى ميعارضش التبادلات ..... على العموم نتمنى نلقى اقبال على طرحي

__________________________________________________ __________

>>>> الرد الثالث :

شرا اختي بوركتي

__________________________________________________ __________

>>>> الرد الرابع :

ممكن الموديلات والاسعار

__________________________________________________ __________

>>>> الرد الخامس :

ننتضر ردك لو سمحتي