عنوان الموضوع : جيبي مشينتك و ارواحي .....سطايفيه
مقدم من طرف منتديات الضيافة العربية

السلام عليكم و رحمة الله و بركاته
كيف الحال و الأحواال
اليوم حبيت ندير موضوع خلي نسميوه حصة تعارف ههه
ماشي باش نعرفكم على السطايفيه بصح على ماشينه السطايفيه ههههه
و نتي ثاني صوريلنا مشينتك و عرفينا عليها و احكيلنا على ميزاتها و مشاكلها
ممكن راح نفيدو بعضانا و يستفاد حتى لي يمر على الموضوع دون مشاركه
انا عندي زوج ماشينات وحدة سانجار 20U43 اندوستريال مليحة مساعدتني
فوور و الثانيه مشينة السورجي
هاذي السانجار حبيبتي شريتها كيييما خرجو ب 3ملاين و 800
رحت حوست على قصة حياتها هههه قالولك راهي تخلقت في 1790 اخترعها اسحاق سانجر (يعطيه الصحه ) و كانت بالخشب و من بعد بدات تطور و يتغير شكلها و حجمها كل مره حتى ولات بالفولاذ
و هاذو لبياسات لي يجيو معاها
رقم1 هوما ليباري تاوعها مالازمش نغلط في لاريفيرونس DP°5
هاو مثال في الفرق
تغلطي ماتخيطلكش
و الرقم مايهمش 14 للقماش رقيق و 16 للخشين و كاين نوع للبيزو بيزو هذا
نرجعو لصورة لبيااسات
رقم 2 و 3 و 4 نستعملوهم كي نبدلو رجل المشينه
باش يتوافق معاها
كاين لي نستعملوه في خياطه دروات معناها خط واحد رقم 8
و 9لزيقزاق و 7 للازرار و 5ؤ6 هاذاك للخياطه لخشينه مثل بساط بلاوات الرجل نركبو فيها لبياسه لي قدامها باش تحددلنا المسافه بين الحاشيه و لخياطه باش تمشي قدقد و ماتهربيش من و من ههههه
10 هاذيك لبياسه تستعمليها كي تكوني رايح تطرزي بالطمبوله و ماديريش في هاذي الحاله حتى رجل اوكي
و رقم 11 غنيه عن التعريف هي لا كانات
رقم 1 هو لي نحددو بيه عرض الزيقزاق نتاعنا و كاين بولون من فوقو يثبت الدرجة لي نخيروها و تقدري تتحكمي بيها بلوبيي دبيش يجي اسفل المشينه
و رقم 2 هذاك يحددلنا النفدة تاعنا كلما حبينا نكبرو نزيدو رقم
رقم 3 بيه نحددو وضعية الابره في النص او اليمين او اليسار
رقم 4 هذاك بوان داغي هههههه هو نوليو بيه للخلف باش نثبتو لخياطة كي نبداو و نخلصو
و هذي صوره توضح مسار الخيط
هاذ الفيديو يوضح كيفاش تمشي
نصيحه في الاخير المشينه نتاعك لااااازم تنظفيها كل اسبوع من خارج و من داخل و تزيتيها و لو تطلب الامر تفتحي غطاها و تقطريلها الزيت و لكان ماتعرفيش تخدمي بيها اتعلمي وحدك بالتجربه تتعودي عليها و ساعفيها و استحفظي بيها باش تدووووووم و تدوووووووم و تدووووووووووم هههه
انتهى
و انتي واش تحكيلنا على مشينتك ههههه
معليش صوريهالنا برك و حطيها مع صحاباتها
[CENTER]


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صباح النووور
و هذا فيديو يعلمك كيفاش تخدمي بسانجار بيدال

https://m.youtube.com/watch?v=1WKooCNxOg4
إ ن شاء الله تستفادو


وهاذي مشينه سمسومه هههههههههههه


__________________________________________________ __________

>>>> الرد الثاني :

يعطيك الصحة المرة الجاية ندخل الصور نتاع المشينة نتاعي راهي دارتلي الاحباط

__________________________________________________ __________

>>>> الرد الثالث :

يعطيك الفففففففففففففففففففففففف الففففففففففففففففففففف صحة

__________________________________________________ __________

>>>> الرد الرابع :

يعطيك الصحة يالغالية دايما نلقاك في الوقت المناسب يعني المراة المناسبة في الوقت المناسب راني حبيت نشري وحدة مي ماعرفتش وينها الماركة المليحة وكيفاش نتعلملها وانتي راكي عطيتيني فكرة بارك الله فيك وان شاء الله اليوم الجمعة يعطيك ربي ماتتمناي

__________________________________________________ __________

>>>> الرد الخامس :

مشينتى متل انتاعك لكن المركة gemsy دير كولش مثلها عندي وحدة سانجارمودال لقديم