عنوان الموضوع : الورشة الثااامنة للمبتدئات .... سطايفية للتفصيل و الخياطة
مقدم من طرف منتديات الضيافة العربية

السلام عليكم و رحمة الله و بركاته
واشراكم حباباتي نشالله بخير
اليوم و تحت نزول طلبات لبنات يحوسو على روبة نتاع دار خفيفة و ظريفة
لا برانتي ام هزار ربي يحفظها و يباركلها في ولادها هي و لابرانتي الثانية ههههه
خيطت روبة هزينا الموديل على هادي الروبة

وهذا الباترون نتاعها


انا كي العادة نابليكي الباترون على لقماش



من بعد تفصليه


و زيدي فصلي الفولات هكذا يتنقشو فوق الصدر




و من تحت فيها 2 بانو من الجيهتين

هام ليكم في الروبة الاولى


و هنا فصلناهم من بعد نعتلكم كيفاش نركبوهم




اول حاجة ديريها تجملي الامام و الخلف من جيهة لكتاف هكذا


من بعد تسرفلي الصدر و الفولات


من بعد تبداي تلصقي الفولة فوق الصدر لازم توزعي النقشات قدقد كي من امام كي من خلف
و كي تخلصي كفي الحاشية كفة وحدة و حطي فوقها القالون و عقبيه على الفولة كووووومبلي

ااار يووو اندرستاند
و تجملي الروبة من لي كوتي و توصلي ل لي فونت تبداي تركبي فيهم هاذوك لي بانو لي فصلناهم و هاي الطريقة




و في الاخير تسرفليها من تحت و تحديها ملييييح و صاااااي انتهينا
و هاي ليك كيفاش خرجت





و هاذي من الخلف هي نفسها من امام و كل وحدة حرة كيفاش تحبها يا اما دايرة يا اما v و لا كاري


هي خرجت مليحه و لابرانتي تضل عاشقة فيها تغسل و تقلب ههههه
هيا دمتم بخير
والسلام عليكم و رحمة الله وبركاتة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله ياسطايفية جبتيها راهو جا في وقته عندي طرف كيما الي عندك و حرت كيفاه انخيطو شكرا

__________________________________________________ __________

>>>> الرد الثاني :

المشاركة الأصلية كتبت بواسطة mereyoucef
والله ياسطايفية جبتيها راهو جا في وقته عندي طرف كيما الي عندك و حرت كيفاه انخيطو شكرا

ايا لباس ملا بصحتك

__________________________________________________ __________

>>>> الرد الثالث :

يعطيك الصحة و بارك الله فيكي ي استدتنا وجدي رحك راني عندي كراكو حابة نخدمو ربي يعيشك عاونيني باش نلبسو في عراس قسنطينة عندك تتخلعي نحوس على الفصالة تاعو برك غدوا ان شاء الله نصورو و نحطو ارجو ما تخيبينيش و شكرا

__________________________________________________ __________

>>>> الرد الرابع :

المشاركة الأصلية كتبت بواسطة loudjeine2000
يعطيك الصحة و بارك الله فيكي ي استدتنا وجدي رحك راني عندي كراكو حابة نخدمو ربي يعيشك عاونيني باش نلبسو في عراس قسنطينة عندك تتخلعي نحوس على الفصالة تاعو برك غدوا ان شاء الله نصورو و نحطو ارجو ما تخيبينيش و شكرا

ولاه يا لجين كشما نهار قلت لالا والله غير لي مانعرفهاش وربي عالم

__________________________________________________ __________

>>>> الرد الخامس :

المشاركة الأصلية كتبت بواسطة stayfiya
ولاه يا لجين كشما نهار قلت لالا والله غير لي مانعرفهاش وربي عالم

ربي عيشك علابالي حنينة راني نزير عليك برك يا الغلية ربي خليك راه الكراكو مش واعر حبيت ندي الكوراج منك راكي اكل اجابية تبرعي ليا شوي هههههههههههههههههههههههه