عندي فكرة ارواحو نخيطو مع بعضانا للتفصيل و الخياطة
عنوان الموضوع : عندي فكرة ارواحو نخيطو مع بعضانا للتفصيل و الخياطة
مقدم من طرف منتديات الضيافة العربية
هاني جيتكم ما صبرتش
هادا الي قتلكم. تكفو بيه الحجابات و السواريات
image.jpg (66.0 كيلوبايت, المشاهدات 630)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله فكرة روعة استاذة درك نحطلك
[QUOTE=takwaaa;1056543104]بسم الله الرحمان الرحيم
اليوم نبدو مع الروب اللي حطتها لينا الروبة سسسسساااااهلة و ما تعبش ما فيهاش تخرنين بزاف ما تتخلعوش كي تشوفو الخطوات بزاف ما كاين زالو انا برك حبيت نديرها بتفاصيلها بش المبتدئات يفهمو راني درت بالورق ان شاء الله تبانلكم و تفهموني نبدو على بركة الله
هادي الروبة
القماش 1 متر يكفي الا اذا اللي حابة ديرها طويلة تقيس و تعرف اما الدونتال 1/2 متر
هذا مخطط تاع الروب
هدا من الامام
هدا من الخلف
جيبو الادوات التالية :
1 -القماش
2 - الدنتال
3 - مقص
4 - مترا
5 -صابون او طبشور لقماش
6 -قياس اذا كاين حتي بودي ولا بستي ولا روب سيري على خاطر عادي لا فيها ليبانس لا والو مخيطة كي غلاف لمخدة دايرة لاطاي هههههه اذا ماكانش نهزو لقياساتتاعنا
ابرة خاصة بالبيزو او رقم 12
نهزو لقياسات كما في الصورة
الكتف + فوق الصدر + الحزام + الطول المراد و اللي عندها قياس احسن ما تحتاجش قياسات
هدا القماش
اكبر بلاصة في الجسم هي الخصر كي تقيسه اللي تلقيه في قياس الخصر هو اللي تمشي بيه مثال لقيتي الخصر 90 زيديها 4 سم و قيسي 94 في القماش و طبقيه على 4 و الطول كيما حابينها تجيكم ديما لقماش اللي يطوط الجهة اللي تطوط نديروها في العرض و الجهة العادي في الطول
نحطو قياساتنا على لقماش
لقياس اللي لقيتوه فالكتف تقسموه على 2 و تزيدوه 2 سم حق الخياطة
لقياس تاع فوق الصدر اللي لقيتوه اقسموه على 4 خاطر لقماش مطبق على 4 و تزيده 2 سم حق لخياطة
لقياس تاع الخصر تاني تقسموه على 4 و تزيدوه 2 حق لخياطة
و ندرو الطول و نحسبو حق الكفة و لخياطة من فوق.ديما خلو الزايد كان جات واسعة تقدرو تنقصو مي كان جات ضيقة ماتلقوش كيفاه ترقعو ديما فاضل و لا مخصوص
و اللي عندها قياس تهنات تحط و ترسم ديراكت ماتبقاش تكسر فراسها
و الطابق و الرقبة كيما وريتلكم في الدرس اللي فات مي ما تحلوش الرقبة بزاف خاطر المودال رقبتو ملمومة
درك نقصو الزوائد نتحصلو على قطعتين
نجيبو الصدر و نطبقو من تحت الابط ب 1 سم
نتحصلو على هاد
نجيبو الظهر نطبقوه على 2 و نرسمو فيه هاد القوس بش نديرو فتحة الظهر
كيما هك
كي نقصوه يخرجلن هك
نجيبو الطرف اللي قصيناه من الصدر
و نطبقوه على 2
نجيبو لبرودي
و نطبقه على 2 على قد قطعة الصدر بش مانفسدوش لقماش كيما هك
و نفصلوه على قد هداك الطرف تاع الصدر غير نزيدو 1 سم من تحت حق الخياطة كيما هك
نجو للبرودي اللي في بلاصة الحزام العرض اللي حابينو و الطول نطبقو الدنتال على 2 و الجهة الامامية على 2 و نحطهم فوق بعضهم باش نفصلو لحزام و نقصو الزايد
ما تنسوش تفصلو الدوبلير تاع الرقبة الظهر كامل حتى الفتحة و الصدر و المرة هادي زيد دوبلير للطابق بش تجي خدمة نظيفة
نتحصلو على هاد القطع
كي نجمعوهم هك
نجو للخياطة
مهم : كي تخيط ما تكسلوش الكتان خلوه يمشي وحدو بش مايجيش مشرشف
1 - نركبو الصدر تاع الدنتال مع الطرف التحتاني
2 - نديرو دوبلير الرقبة و الاليدين
3 - نقلبوهم و نرقدوهم بالماشينة و الا تعرفي تهزي بايدك من داخل خير بش ما تبانش لخياطة
4 -نلصقو الدنتال الخاص بالحزام و هادوك القطعتين اللي على جنب تخيطي بندات رقاق ز تلصقهم منا و منا كيما دايرينو هوما
5 - نديرو الدوبلير للظهر و الطابق و قبل ما نقلبو ندخلو الصدر اللي خدمناه بين الرقبة تاع الصدر تحت سجاف رقبة الظهر و اليدين ندخلوهم بين سجاف اليدين تاع الظهر و نقفلو لكتاف و نميلو شوية كيما فالدرس الاول و نقلبو و نرقدو الدوبلير كاين واحد الحاشية يديروها كي ما يحبوش لخياطة تبان تاع حجابات ... الرولو ب 19000 و يحكملك بزااااااااف تلقايه فقداه حاجة
هك نكونو كملنا الخدمة من فوق
6 - درك نقفلو الجناب
قبل ما تكفي روحي قيسيها شوفي كان حابة تزيدي ضيقي فيها و احكمي الطول بمساك و كفي و هك تكوني كملتي القندووووووورة بصحتك
ان شاء الله فهمتوني و جاكم درس خفيف و ما قلقتوش و الصور واضحة
اللي عندها استفسار راني هنا[/QUOTE
__________________________________________________ __________
>>>> الرد الثاني :
استاذة هايليك راني حابا نديرها
__________________________________________________ __________
>>>> الرد الثالث :
مليح يا تقوى فكرة هايلة
__________________________________________________ __________
>>>> الرد الرابع :
فكرة رائعة انا منعرفش نخيط بصح على حساب الشوفة رايحين دخلولي فكرة الخياطة في بالي بهده الطريقة على كل حال يعطيك الصحة اختي على ه>ه المجهودات ربي يجازيك بكل خير
__________________________________________________ __________
>>>> الرد الخامس :
شكرا تقوى فكرة هايلة هاذي احسن طريقة باه نتعلمو مليح لخياطة ونديرو كوراج لبعضانا
انا خيرت هذا المودال
راني حملت الصور بالترتيب من الصورة رقم 1 حتى الأخيرة كيما شرحت تقوى
في الصفحة رقم 11
بسم الله الرحمان الرحيم
نبدو على بركة الله اليوم قندورة soradz
نحتاجو
1 : 3 متر من القماش للطول العادي مثال انا طولي 165 تجيني 3 متر الا عندك شك قيسي طولك من الكتف للقدم و اضربيه في 2 خاطر لقماش بش نطبقوه على 2
2 : 7متر بيي
3 : قندورة قياس
ملاحظة : لقماش اذا كان فيزكوز حطيه يترنخ في الماء و يشرب مليح اذا خفتي يطلق زيدي الخل مع الماء امبعد اعصريه عادي و طبقيه على 4 و انشريه كي يعود قريب يشيح يعود مندي نحيه طبقيه خليه يكمل يشيح .
هذا مخطط القندورة
الصورة رقم 1
نقيسو من خلف الرقبة حتى للمرفق ولا لوين حابين توصلو اليدين احتفضو بالرقم و الا كيلي
الصورة رقم 2
نجيبو لقماش
الصورة 3
نطبقوه على 2
الصورة 4
درك نحتاجو لهداك الرقم اللي احتفضنا بيه او الكيلو نقيسوه من طرف الكتان حتى القيس المطلوب في الجهة المغلقة من الكتان هذا راح يكون كتف و مراوح في نفس الوقت الصورة 5
الصورة 5
و نطبقو في هداك الحد
الصورة 6
نقصو الزايد
الصورة7
هدي القطعة اللي بش نخدمو بيها
الصورة 8
نجيبو لقياس تاعنا نطبقوه على 2 بالطول و نحطوه على لقماش لكتف مع الكتف و نرسمو لاطاي تاعنا لقماش يكون على وجو كي ترسمو لاطاى نحتاجو الرسم امبعد كيما فالصورة 9
نجو للمراوح نرسمو من الفوق نهبطو قدقد قيمت شبر و نبدو نقوسو حتى نوصلو للخصر كما في
الصورة 10
نقسو الزايد من تحت و المراوح الصورة 11
نرسمو الرقبة مدورة ولا v كيما تحبو انا درتها مدورة و قصوها
الصورة 12
نتحصلو على هاد الشكل
الصورة 13
نحلو القندورة الصورة 14
و نطبقوها بالطول
الصورة 15
نرسمو الرقبة تاع الصدر
الصورة 16
نقصوها نتحصلو على هاد الشكل الصزرة 17
ما تنسوش تفصلو الدوبلير تاع الرقبة و الظهر يجو قطعة وحدة و هك القندورة اصبحت جاهزة و هك نكونو كملنا التفصال
الصورة 18
نكملو نرسمو لاطاي تاع الجهة الاخرى
الصورة 19
نجو للخياطة
1 : نركبو الدوبلير تا الرقبة و نقلبوه ونرقدوه
2 ّ: نجيبو البيي و نغلفو بيه هاديك الدائرة الصغيرة اللي في الرقبة
3: نغلفو فوقها بالبيي كيما فالقندورة
4 : نجيبو بيي 2 متر او اكثر نحكمه من النص و نبدو من الظهر نركبوه و نمشو خت نعدو على الصر و ندير التقويسة اللي فالصدر و نحبسو امبعد ن
5 : ديري البيي للمراوح
6 : نقلب القندورة من داخل و نخيطو الجناب من نهاية لمراوح للتحت
7 : نرجعو نقلبو القندورة على وجها و نتبعو هداك الخط اللي رسمناه فالاول تاع لاطاي ما تقفلوش بزاف نوصلو للصدر و نحبسو بش ماتجيش المراوح مهزوزين
8 : روحي قيسيها و شوفي لاطاي و الحلة تاع الطابق قبل ما تركبي عليهم البيي و الا جاتك مليحة ارجعي كملي لصقي البيي فوق الخياطة تاع لاطاي
9 : نجيبو طرف بيي نكفوه و ندخلوه فهاديك الدائرة و نعقدوه و نخيطو طرف في الجهة و الطرف لاخر في الجهة لخرى
10 : كفيها على قدك ولا ديري سيرفلاج كيما تحبي
11 : نظفيها من لخيوط و حديها بصحتك
هك نكونو كملنا ان شاء الله الشرح وافي وكافي و فهمتوني كاين اللي يقصلو لمراوح وحدهم و يركبوهم مي انا اعتمدت طريقة الفراشة اسهللكم
كاش سؤال راني في الخدمة
رد مع اقتباس
