عنوان الموضوع : تطبيقاتي يشرفني دخولكن طريقة سهلة
مقدم من طرف منتديات الضيافة العربية

السلام عليكم حبوباتي ان شاء الله تكونوا بخير

التطبيق الأول: بيري باللحم مممممممم

جربتها من ابداع جزائرية موضوع لي حطاتوا الأخت أم راضية تاع العيد الكبير للأسف ملقيتش الرابط، ممممممم جات أروع من رائعة نشكرها بزااااف


التطبيق الثاني: فولوفون بالدجاج و لكرام فراش

في عائلتي نحبو الفولوفون لكن دائما نعملوه باللحم المفروم و صلصة حمرا كي شفت في منتدانا الغالي وصفة مختلفة تماما بلكرام فراش و الجبن و الزيتون جربتها للتغيير و جات تهبببببببببببببببببببببببل خلاص راحت على الوصفة التقليدية مسكينة، شكراااااا جزيلا لصاحبة الوصفة بارك الله فيها

الرابط





التطبيق الثالث: براج تاع ماما ههههههه



التطبيق الرابع: هو تطبيق لموضوعي أنا ههههه صب رشراش

الرابط

التطبيق الخامس: بسبوسة

هو مش تطبيق لأنها الطريقة المعتمدة عندي من يوم ولادتي هههههه ناجحة و لذيذة جدا
الوصفة: القطر: 2 فنجال ماء 6 فنجال سكر عادي يتغالاو شوية على النار ثم نزيدوا 2 فناجل ماء زهر و عصير حية ليمون ياخدوا غلوة و نطفيو
ملاحظة: حبة الليمون نبرشها قبل ما نعصرها باه نحط البرش في العجينة. و القطر نطيبوا هو الاول و نخليه يبرد اما على برا اذا كان الوقت او في الثلاجة اذا كنت مستعجلة المهم مش سخون باه متعجنش البسبوسة
العجينة: 2 بيض أو 3 اذا كانوا صغار 2 فناجل سكر عادي 2 فناجل زيت 2 فناجل حليب 6 فناجل دقيق نخلطوا بالخلاط اليدوي أو بفرشيطة و من بعد نحطو برش حبة ليمون (لازم نخلطو من بعد باه نحطوا البرش تاع الليمون باه الحليب ما يفسدش) ثم نحطوا 1 خميرة الحلويات و نخلطوا ثم نحطوهم في صينية متوسطة الحجم اذا كنت تحبيها ارتفاعها مثل تاعي يعني صينية اصغر من تاع الفرن العادي و اذا كنت تحبيها رقيقة حطيها في صينية الفرن الدائرية الصينية لازم تكون مدهونة بالزيت مليح، ثم الى الفرن مسبق التسخين لمدة 20 دقيقة تقريبا على نار هادئة لازم متفتحيش علاها الفرن لانوا فيها الخميرة قادرة تهبط و نفسد ثم شعلي الفرن من فوق، كي تحمار اقسميها مربعات و سقيها بالقطر البارد. و شهية طيبة




سلامي لكن جميعا




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشاء الله عليــك تحــــــــفة


__________________________________________________ __________

>>>> الرد الثاني :

يعطيك الصحة

__________________________________________________ __________

>>>> الرد الثالث :

المشاركة الأصلية كتبت بواسطة tong2
ماشاء الله عليــك تحــــــــفة


شكرا لمرورك الجميل غاليتي

__________________________________________________ __________

>>>> الرد الرابع :

المشاركة الأصلية كتبت بواسطة بنت لبحر
يعطيك الصحة


الله يسلمك أختي الغالية

__________________________________________________ __________

>>>> الرد الخامس :

هايلين يعطيك الصحة و من فضلك وصفة البسبوسة