عنوان الموضوع : قاطو جلد النمر ساهل وما يطيبش حلويات جديدة
مقدم من طرف منتديات الضيافة العربية



السلام عليكم ورحمة الله وبركاته

هذا قاطو عملتو اليوم ساهل وما يطيبش وشكلو جميل

المقادير/ كيلة شامية +2 كيلات كاوكاو محمص ومرحي متوسط +3كيلات بيمو مرحي +3 مغارف كاكاو + 4 مغارف سكر ارطب

+2 مغارف زبدة طرية ثم نكمل نلم بماء الزهر حتى تولي عجين

لزينة/ عجينة التزيين + ملون ابيض + كاكاو + ملمع

والباقي بالصور

نضيف للعجينة البيضاء ملون ابيض

والعجينة البنية نتحصل عليها بالكاكاو



نحل قطعة من العجينة البنية فوق قلاصي ونحط حربوش من العجينة البيضاء ونلوي نتحصل على حربوش



نقطع الحربوش على شكل مقروضات صغار




نحل العجينة البيضاء ونحط فوقها المقروضات بالطريقة لي في الصورة


ونحط قلاصي من فوق ونحل بالحلال





نتحصل على هذا الشكل




نقطع دائرة بواسطة طابع دائري





ونحط كورة من الحشو وسط الدائرة تاع عجينة التزيين ونحطها في مول المعمول ونضغط عليها شوي





وبواسطة بانسو نمسح عل كل حبة باللماع ونتحصل على هدا الشكل






الاخوات لي يسالو على عجينة التزيين نقلهم انها ماشي مرة بالعكس حلوة وذوقها مليح وهادي صورتها ومعاها صورة الطابع لي درت بيه الشكل

وهو طابع المعمول





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يعطيك الصحة هايل

__________________________________________________ __________

>>>> الرد الثاني :

هااااااااااااااااااااااااااااااايل ام ساجد يعطيك الف عافية

__________________________________________________ __________

>>>> الرد الثالث :

المشاركة الأصلية كتبت بواسطة أم ياسين الزهراء
الله يعطيك الصحة هايل

المشاركة الأصلية كتبت بواسطة ام سهام 02
هااااااااااااااااااااااااااااااايل ام ساجد يعطيك الف عافية


الله يخليكم عزيزاتي تسلمو

__________________________________________________ __________

>>>> الرد الرابع :

الله يخليك باش فرستيه مفهمتش غاية

__________________________________________________ __________

>>>> الرد الخامس :

تحفة يعطيك الصحة، انشاء الله نجربو