تفضلو.................... صور حلوياتي اللي طلبتوها حلويات جديدة
عنوان الموضوع : تفضلو.................... صور حلوياتي اللي طلبتوها حلويات جديدة
مقدم من طرف منتديات الضيافة العربية
مساء الخير والمسرات حبيباتي
راني هذو ليامات قررت نولي ناس ملاح باش تدعيولي دعوة الخير
كيما وعدتكم نحطلكم صور حلوياتي ................. راني وفيت بوعدي ماذا بيكم تفهمو رواحكم وتكثرو دعاوي الخير
نبداكم بقاطو العيد الصغير وماتضحكوش عليا وتقولو العيد الكبير راهو وصل ياخي تعرفوني حوايجي ديما يطولو
قولو ماشاء الله
تشاراك البيمو للاخت حفيظة
الرابط: https://www.djelfa.info/vb/showthread.php?t=1578229
قاطو النيستلي وصفة خالتي
غريبية سورية
الرابط : https://www.djelfa.info/vb/showthread.php?t=1574441
تشاراك مسكر لام اماني بالعجينة السحرية وحشوة اللوز
الرابط: https://www.djelfa.info/vb/showthread.php?t=1198301
قاطو فريرو روشيه
الوصفة هذي قدييييييييييمة جدا بصح أخواتي يحبوها لكن أنا مستحيل نحط في فمي حبة قاطو ماشي طايبة والناس أذواق
- 1/2 علبة بيمو يكون نوعية مليحة يعني بنين وحبتو رقيقة ماشي هذاك الخشين نتاع كاسكروط
- 2 م ك كاوكاو محمص مرحي خشين
- 1 م ك مارغارين ذايبة
- 1 م ك عسل
- 2 م ك كاكاو نوعية مليحة
- 4 م ك حليب سائل
- 1 م ك مربى المشمش
- شكلاطة للتزيين + كاوكاو محمص خشين
- في صحن غامق نفتت البيمو بصح ماشي رقيق بزاف قد حبة الحمص كي تكون جافة تقريبا ( باش مايعجنش ويبقى من داخل كيما لي روشي )
- نحط باقي المكونات ونخلط مليح مليح وإذا ماتلمش نزيد المعجون ( حذاري راهو يكلح خلطو مليح وحاولو تكوروه قبل لا تقررو تزيدو المعجون )
- نتحصل على عجينة متماسكة لاهي طرية لاهي يابسة
- نكور الكريات ونحطهم في صينية ينشفو لنصف يوم
- نمرر الكرات في شكلاطة شوداء ذايبة ثم في الكاوكاو محمص خشين ونخليهم ينشفو شوية ثم نحطهم في لي كيسات
* ملاحظة ممكن تحطو في قلب كل كرية حبة نتاع كاوكاو محمص
قاطو رافايالو
الوصفة قديمة يعجب الناس اللي تحب النواد كوكو أنا عن نفسي ماعندي حاجة فيه وزيد مانحبش القاطو اللي مايطيبش والناس أذواق أخواتي يموتو عليه
هذه الكمية ل15حبة انا استعملت علبة كاملة من النيستلي للعجين وعلبة أخرى للقلاصاج أعطاتني حوالي 70-80 حبة على حساب حجم الحبة :
- 125غ نواد كوكو مرحي ارطب
- 100غ شكلاطة بيضاء
- 1/2 م ص فاني
- 15 حبة وازات محمصة
- 1 بياض بيض
- 100 غ نستلي أبيض يعني ربع علبة
للتزيين : 75غ نواد كوكو خشين + 50غ نيستلي أبيض
الطريقة :
- نذوب الشكلاطة في حمام مائي
- نطلع بياض البيض بالباتور مع الفاني حتى يصبح كالثلج
- بواسطة سباتولا نخلط البياض مع الشكلاطة الذايبة والنيستلي
- نجمع العجينة بواسطة النواد كوكو أرطب ولازم عجينة طرية ماتنشفوهاش بزاف
- نعمل كوبرات ( أنا نوزنهم باش يجيو قدقد ) وفي قلب كل كويرة حبة نوازات
- نخليه ينشف شوية برك ونبدى نرمد كل حبة في نيستلي أبيض ثم في النواد كوكو الاحرش
- نخليه ينشف ثم نحطو فيلي كيسات
* ملاحظة ممكن بدلا ماترمدوه في النيستلي تستعمل الشكلاطة البيضاء ذايبة لكن بالنيستلي أبن
وهذو صور المراحل :
جلجلانيات ام أماني
https://www.djelfa.info/vb/showthread.php?t=1448943
قريوش الطاجين الوصفة نتاعي
وهذو درتهم بعد العيد
حلوة الطبقات لأم اماني
صابلي عادي تكاسلت نطرح ونطبع درتو في مول السيليكون
صابلي الميرانق للاخت ليدي
جلجلانيات
وهذو بالعجينة السحرية : كعيكعات وعرايش وتشاراك
غريبية الورقة لأم محمد تاج الشكل والوصفة لأم كوثر
بقلاوة بالجوز واللوز بعجينة الفيلو لأم انس جات مورررررررررررررررقة تهبل
هذي قبل لا نسقيها قربت الصورة تشوفو التوريق ولكن كي نقرب الصورة دائما يرجع اللون رمادي
وهنا بعد ماسقيتها هنا يبان اللون الحقيقي للبقلاوة
وهنا شوفو عن قرب
https://www.djelfa.info/vb/showthread.php?t=1390399
هذي صينية العروسة مشكلة
هذا مخبز أم اماني باللوز درتو بشكل البيضة
مشكلة الفونطاي بالجوز
صابلي بالمعجون عادي
هذي غريبية الكاوكاو راكم شفتوها
الرابط : https://www.djelfa.info/vb/showthread.php?t=1678093
هذو لي سارفيات طبقتهم اختي للعروسة
وهذو خدمتهم اختي للحنة نتاع طهارة ولد خالتي رايحة طهرو في أيام العيد
أخيرا نحب نشكر بزاااااااااااااااااااااااااااااااااااااااااف الاخت بشرى على المساعدة اللي قدمتهالي والله كرهتها بالرسائل وأعتقد راهي هربت من المنتدى كامل على جاليوكرهت الحلويات واعتزلت التلباز
شكرا بزاف بشرى حبيبتي وربي ينولك اللي في بالك ويفتحها في وجهك كيما وقفتي معايا
ايضا نشكر ام محمد تاج هي ثاني هبلتها بالرسائل ودائما كل مانراسلها ماتبخلنيش ودائما عند حسن ظني بهاوماننساش أم انس ربي يقومها على خير كي شافتني محتارة في الغريبية بعثتلي نصائح ام محمد تاج مشكورة حبيبتي ومبروك عليك وياربي تتربى في طاعة المولى
,
كانت هذه صور الحلويات اللي طلبتوها اما طيابي بإذن الله تلقاوه في ركن واش طيبتي اليوم
تحياتي ........................... لهومة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشاء الله لا قوة الا بالله الله يبارك عليك لوكان غير نقدر نولي شاطرة كيفك قل اعوذ برب الفلق راني خايفة نعينك
__________________________________________________ __________
>>>> الرد الثاني :
بسم الله ما شاء الله اما الدعاء خليه ف الغيب و الله ندعيلك ف قيام الليل علاخاطر قلبك ابيض و تحبي تفرحي الناس كامل ربي افرحك
__________________________________________________ __________
>>>> الرد الثالث :
ماشاء الله الهام
جاوك يهبلو ومبروك لولد خالتك طهارة
__________________________________________________ __________
>>>> الرد الرابع :
الله يبااارك الله يبارك...مازال ماشفتش كلش...رووووووووووووووعة والله دخلت باه نقلك حطي الصور لقيت الرد تاعك ديراكت دخلت نكمل نقرعج هه
__________________________________________________ __________
>>>> الرد الخامس :
اممممممممممم روووووووووووووووعة ابداع كالعادة ما شاء الله الله يبارك و يبعد عليك العين
الهام البقلاوة روووعة لكان اجاوبيني بسرعة
راني حابة نخدم بقلاوة ام انس حابة نديرها في سنيوة صغيرة الحجم 30على 25 شحال قيس الكيلة ندير و طريقة الطياب نتاعها
نقدر نديرها في الكونجيلتور منا للعيد زعما ما تخسرش
رد مع اقتباس
