عنوان الموضوع : الجزء الاول لحلويات العيد تفضلوا قاطو جزائري
مقدم من طرف منتديات الضيافة العربية



صحا فطوركم اخواتي الكريمات

اليوم جيت نشاركم و جبتلكم تشوفوا حلوياتي لعيد الفطر المبارك

نبداو بسم الله مع

قاطو القلوب بالشوكولا والكريمة



عن قرب







قاطو القطيفة
صراحة هدا القاطو يجي هشيش و يقطع بزاف ومايديش وقت عندي 3 سنوات وانا معتمدة هاد الوصفة

نزولا عند طلب الاخت انتي بلون الورد ساضع لكم وصفة القاطيفة

المقادير

250 غ زبدة طرية (تكون بحرارة المطبخ انا نستعمل صول )
3/4 كاس sucre glaçe
3/4 كاس noix de coco مطحون (كاس تاع ليموناد اللي ستعملتوا)

3/4 كاس زيت

3/4 كاس مايزينة
ملعقة صغيرة لافاني من الاحسن تاع الميزان
1 خمارة كيميائية
فرينة

التزيين
250غ noix de cocoمغرف كبيرة شوكولا بودرة (تقدري تعوضيها ب مغرف كاكاو و نص مغرف سكر رطب)

عسل و ماء ورد

طريقة التحضير
تاخدي زبدة تخدميها مليح مع السكر حتى تولي كي بوماد من الاحسن تخدمي بالباتور
تضيفي الزيت وتكملي الخفق
منبعد ضيفي النوادكوكو المرحي و المايزينة و فاني
هما تخدمي بليدك تضيفي الخمارة مع الفرينة و تلايمي العجينة تاعك مالازمش تقسحي العجينة لازم تبقى طرية بين يديك باش كي طيب تجيك هشيشة

ديريها فكيس بلاستيكي
وبدي تشكلي كويرات
ودخليها طيب في فزن مسخن من قبل
كي تشوفيها بدات تحمار من تحت خرجيها

نروحو للتزيين
كمية من العسل و قطرات من ماء ورد و نخليه فوق النار دقيقتين
باش يخفاف

في مقلة ديري النواد كوكو و اكاكاو و سكر رطب
ولا شوكو بودرة
وديريها فوق النار هادية دقيقة تعطيه بنة و قرمشة

غطسي سطح الكريات فالعسل المخفف
رمديها فالنواد كوكو

وهاهي جاهزة





عن قرب




قاطو البراوني للغاية الوهرانية
حطيت تطبيق فهدا الموضوع

هدا قاطو وعليه الكلام





قاطو الجنجلانية باللوز للاخت ام اماني 77
التطبيق في هدا الموضوع


تطبيقي لحلوى الجنجلانية باللوز لام اماني





قاطو السيقار للخت ام اماني77
التطبيق من هنا

https://www.djelfa.info/vb/showthread.php?t=1382069




نتمنى تعجبكم حلوياتي

للموضوع تكملة انشاء الله
باش نحطلكم

قاطوا بدون طهي للغالية ام طيب
مازال ماقصيتوا راه عاد فالتلاجة

والبقلاوة
مازالها فالبلا غدا انشاء الله ندريها فالكيسات و نحطهالكم

وقاطو تاع ام سارة

ولي تارتولات تاع ام اياد

صح سحوركم








>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هايل يعطيك الصحة

__________________________________________________ __________

>>>> الرد الثاني :

ان شاء الله نكون انا اول من ردت صح فطوووووووورك ويعطيح الصحة وألف عافية
عيدكم مبارك وكل عام وانتم بخير

__________________________________________________ __________

>>>> الرد الثالث :

واووووووو رائع تكلوه بالصحة والهنا ان شاء الله ......
عجبوني لقلوب بزاااااااااف تسلم ايديك

__________________________________________________ __________

>>>> الرد الرابع :

بارك الله فيك روووووووووووعة يعطيك الصحة وربي يجازيك


__________________________________________________ __________

>>>> الرد الخامس :

هايل روووووووووووووعة