عنوان الموضوع : الورشه ال__19__ للمبتدئات هلمو ..سطايفيه للتفصيل و الخياطة
مقدم من طرف منتديات الضيافة العربية
السلام عليكم و رحمة الله
مدام كاين الوقت و رانا قاعدين
هياو نخيطو حويجه للصيف خفيفه و ساااهله
جيبي قماشك 2 متر و 30 سم لون مغاير
تطبقيه على 4 و تطراسي قياساتك نتي عليه
و تهبطي من امام ب 16 سم و الخلف ب 6سم
عرض الكتف درتو 10 و فتحه الرقبه 8
و فتحة الذراع 24سم
و كيما نقولكم كل وحدة و قياساتها
و نفصل سجاف الرقبه من الامام و الخلف
و هنا فصلنا لي مونش انا حبيتهم مناشات دوبلي يعني وحده صغيره فوق لكبيره
تسرفلي الطراف لي عندك كامل
نركب السجاف في الجيهتين
و قبل مانقلب لداخل نكرونتي كيما راكي
تشوفي في الشلطات الحومر
و بالاكي تقطعي لخياطه
و من بعد تجملي لكتاف مع بعض الامام و الخلف
و تخيط الكتف مع الكتف و السجاف مع السجاف
و تقلبي و ترقدي لخياطه و تحدي مليح
و من بعد تركبي لمراوح تاوعك
انا ديكاليت الوحده على الاخرى
الفوقانيه كثرتلها النقشات و السفلى خففتهم
و جاو هكذا
و نخدم بياسات تحت الكتف
ديكوراسيون برك نشبح بيهم
وتحبي ما ديريهمش نتي حره
نخدم دي بانس من امام و من خلف
عرضهم 2 سم راكي تزيدي حقهم في لفصاله
ولي من خلف نقطعهم من بعد
نقولكم واش نبلاسيو فيهم اوكي
تفصلي مستطيلات باش نشكلوهم بابيونات نديكوريو بيهم روبتنا
زوج صغار و وحده كبيره طولها
قد المسافه بين البانس و البانس
في الظهر و اكيد تزيدي حق لخياطه
و هكذا جاونا
تبلاسي تاع الظهر
و تخيطي و تحكميها في الوسط بخياطه باش يتثبت البابيون
و من امام تبلاسيهم بهاذ الشكل و نتي حره
و خلصنا بحمد الله و نعمته
و هايليك زوليخه تتقلش
دعواتكم لي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكورة حنونة جعلها الله في ميزان حسناتك
__________________________________________________ __________
>>>> الرد الثاني :
رائع
الله يحفظ ديك اليديوات
عندك افكار ما شاء الله
__________________________________________________ __________
>>>> الرد الثالث :
غير بالعقل يا سطوف راني غير نجري من ورشة لورشة قريب نزلق راني في دارنا عمرتلهم كامل الدار بالجرنان.درك احاوزوني
__________________________________________________ __________
>>>> الرد الرابع :
بارك الله فيك
يا ريت تزيدينا وريسات كيما هاذو
حنونة ربي يجعلها في ميزان حسناتك ويضوي قبر المرحوم ابوك
__________________________________________________ __________
>>>> الرد الخامس :
يعطيك الصحة انا هادا وين نتعلم فالخياطة ان شاء الله تكون القندورة تاعك اول تطبيق ليا