عنوان الموضوع : انا شرشحوني فاﻷسئلة اعلان توظيف
مقدم من طرف منتديات الضيافة العربية

قالولي السيرة الذاتية
ههههه
نسيت ماقولتلهمش متزوجة
ومبعد قالي عاودي لي التخصص تاعك
قوتلو اقتصاد و إدارة
قالي
ما معنى اقتصاد
عرفيلي اﻹدارة
ما الفرق بين العقيدة و الشريعة
عرفي الشريعة لغة و اصطلاحا
عرفي الشريعة لغة و اصطلاحا
ماالفرق بين السور المكية والمدنية
و كيف نعرف ان هده السورة مكية او مدنية
و مدلي اية
يا ايها الذين آمنو انما الخمر...........
و صدقوني عندي اجابات عليهم مي ارتبكت بزااااف


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

معليش أختي راهم قواو عليك ربي يجيب الخير

أنا في غليزان فقط سألني سنة التخرج و المسار الدراسي

__________________________________________________ __________

>>>> الرد الثاني :

أنا كان السؤال حول الاسم والتخصص ومذكرة التخرج

ولكن الأسئلة هذي تطرح ع أساس. حسب الاستمارة المرفقة

- القدرة ع التلخيص والتحليل

-مهارة التواصل

-والجانب النفسي

لهذا ديما تلقوا في اللجنة من زوج حتى ثلاث لجان

ومن بينهم مختص في علم النفس

ولا تهم الأجابة الصحيحة بقدر مايهم تواصلك

الا نتباه التركيز عدم الارتباك الثقة عدم التلعثم عدم النرفزة

حين يتم طرح سؤال استفزازي.

هذه كامل يتم ملاحظتها وبالإضافة للهندام طريقة جلوسك أمام اللجان

وأكيد العلامة ثلاث نقاط.

إن شاء الله يكون النجاح من نصيب الجميع

__________________________________________________ __________

>>>> الرد الثالث :

انا 30 دقيق وهوما يسقسو
علابالك كي خرجت , شويا ويجي يسقسيني واحد واش كنت دير لداخل , واش سقساوك ...
المهم كاج أ كاج معا les membres du jury
وفاتت على خيروالحمد لله

__________________________________________________ __________

>>>> الرد الرابع :

salem ana f francais saksani 3la parcour universitaire w specialite bark et vous????

__________________________________________________ __________

>>>> الرد الخامس :

السلام عليكم انا شاركت مسابقة الابتدائي في سكيكدة التنظيم راه صفر والمشاركين بزاف المهم بالنسبة للاسئلة قالي واكتاه تخرجت وعندك خبرة في التدريس ولالا ومبعد قالي عندك 3 نقاط....................


ربي يكون معاك أختي بصح والله فيها ارتباك وزيد دقايق معدودة لا تحكم على مستوى الشخص ممكن يعرف كل شيء غلا هذيك النقطة هوما سؤال ماجاوبتيش عليه رحتي فيها ، ربي يستر وخلاص
بصح صراحة سقساوك بزاف تقول هذي مناقشة مذكرة تخرج ومش هكا يخي سؤال ولا زوج يكفي