عنوان الموضوع : أغبى طريقة ..... لتحضير البكالوريا
مقدم من طرف منتديات الضيافة العربية

و الله ماتفهم والو.... طريقة طبع مواضيع تاريخ و جغرافيا غبية و مربكة للطلاب الكثير وقع في خطأ حل جزء من كل موضوع بسبب ذالك.......................... الله لا تربحهم............................ على الأقل كون خصو ورقة لكل موضوع مع خريطة مرفقة لاكن.......................... مازال نحوس نفهم!!!!!


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هي صح واش قلت
بصح الطالب الفطن يقرا ترقيم الصفحات مثال 1/8 ومبعد تجي وراها 2/8 مورها 3/8 لي يتبع الترقم ماتتخلطلوش


__________________________________________________ __________

>>>> الرد الثاني :

نعم لاكن حتى مع ترقيم صراتلي وين لقيت روحي نحل في موضوع من كل جزء وليت موسوس بسبب ذالك كل مرة لازم نقلب أوراق ونتأكد من ترقيم عياونا...................

__________________________________________________ __________

>>>> الرد الثالث :

اغبياء حتى السوجي خروضولو مخو شفقو على الورق دوخونا شيطونا باش فهمناه الله لا يتربحهم ناقصين احنا تخمام

__________________________________________________ __________

>>>> الرد الرابع :

مفلروض يعرفو ان الطالب يكون في حالة نفسية،ويمكن يتشوش،ميزيدوش عليه،
لكن هادي هيا المنظومة التغبوية،لازم تكون غبية
+ يعني وش فيها كون يديرو الطالب يجاوب في الورقة لي تتمدلو؟

__________________________________________________ __________

>>>> الرد الخامس :

سبحان الله طلبة البلوتوث والزووووم ...والتوقعات ....يتكلمون عن الغباء ....؟؟؟

فعلا الحماقة اعيت من يداويها .... علاه ما تتخلطش عليكم في ارقام لاعبي البارصا والريال ـــ والله ما تشبهو للقراية خلاااااااه. تعيووووووو,


سبحان الله طلبة البلوتوث والزووووم ...والتوقعات ....يتكلمون عن الغباء ....؟؟؟

فعلا الحماقة اعيت من يداويها .... علاه ما تتخلطش عليكم في ارقام لاعبي البارصا والريال ـــ والله ما تشبهو للقراية خلاااااااه. تعيووووووو,

هههه أنا درت الموضوع الثاني و قعدت 15 دقيقة و أنا نحوس أيهما موضوع تاع الجغرافيا الثاني ....مي سلكت

الصفحات مرقمة و الفاهم يفهم

المشاركة الأصلية كتبت بواسطة nibrasse 76
سبحان الله طلبة البلوتوث والزووووم ...والتوقعات ....يتكلمون عن الغباء ....؟؟؟

فعلا الحماقة اعيت من يداويها .... علاه ما تتخلطش عليكم في ارقام لاعبي البارصا والريال ـــ والله ما تشبهو للقراية خلاااااااه. تعيووووووو,

باينا عليك نتا لي طبعت المواضيع......... حتى الغش يدخل في خانة الذكاء و الحيلة........ بصح الغباء في تعليقك ..... بارصا و ريال .......

خاوتي انا كنت دايخة مقريتش السؤال مليح قلنا في خريطة اوربا علم 2منالناتوو2 من وارسو انا علمت في ديال العالم صح ولالا؟؟؟؟؟؟؟؟

العام القادم يكون سؤال واحد اجباري فقط و بالتالي ما يكونش تخلاط

ما تقولش اغبياء ياخويا انا بعد 20سنة نعقب الباك من حقي تخلتطلي الاوراق مافهمت والو جيت نسال الطلبة الي معايا ماحبتش الاستادة وفعلا جاوبت التاريخ من الموضوع الاول والجغرافيا من الموضوع الثاني مكثرين الورق باطل كيما الخرائط مش محتم يحطوهم في الباك كان لازم يقدرو بلي جميع الفئات تعقب الباك

ياخاوتي كيفاه يعني 4سوايع ونص
متصقصي الحارس متعرف الارقام تاع الصفحات
امتميز بين كلمة الموضوع الاول والموضوع التاني
انا نقلكم الصراحة نحسن عونكم بصح طالب باكلوريا خدم مخك شوية

oui c vrais chaft wa7da maskina tkhaltolha 3aytat l ostada galtlha mafhamt walou hadou kirahom dayrin hak lOoOOl