عنوان الموضوع : ..المايوناز طريقة سهلة
مقدم من طرف منتديات الضيافة العربية

ياريت خواتاتي تعطوني وصفة للمايوناز درتها ومنجحتليش
وسمعت بهذه شكون جربتها تعطيني رايها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم و رحمة الله تعالى و بركاته
لم افهم قصدك اختي ان كنت تبحثين عن وصفة مايونيز محددة موجودة في المنتدى او اية وصفة تكون ناجحة
انا معتادة نعمل المايونيز و تنجحلي اولا تخرجي البيضة من الثلاجة قبل بوقت حتى تصبح بدرجة حرارة المطبخ ثم نفصل الصفار عن البياض ونضع في صحن غامق صفار البيض +1 ملعقة صغيرة موطارد و لك الخيار ان تستعملي الباتور او fouet او حتى الفرشيطة .
ناخذ كاس زيت وبالباتور او الفرشيطة نبدا نخلط في الصفار و الموطار ونضيف الزيت بكميات قليلة يعني اضيف بملعقة صغيرة الزيت و لا تتوقف عن الخلط حتى تطلع المايونيز وهنا اضيفي الملح و الفلفل الاسود وقطرات من الخل او عصير الليمون واذا اردت سنة ثوم مقطعة. و ضعيها في الثلاجة حتى وقت الاستعمال.
ارجو ان اكون قد افدتك و لو بالقليل.

__________________________________________________ __________

>>>> الرد الثاني :

اختي انا امس جاوني ضياف وحبيت نعمل ماسيدوان وماعنديش المايوناز جبت صفار بيضة حطيتو في صحن غامق وجبت فرشيطة ودرت فيها طرف تاع زرودية وبديت نحرك في الصفار ونضيف الزيت بشوية بشوية حتى طلع بعد درتله قرصة ملح وقطرات خل وكملت خلطت مليح وهذا ماكان
كي تكثري الخل هو اللي يفزد المايوناز

__________________________________________________ __________

>>>> الرد الثالث :

مشكورين انا فسدتلي وانفصل الزيت على البيض
صح المايوناز بالحليب والفرماج جربتوها

__________________________________________________ __________

>>>> الرد الرابع :

السلام عليكم هذي المايونيز راهي مجربتها عيال خويا و كلما تخلاص نقولها عوديها والله تشهي
بيضة حبة بطاطا بحجم البيضة مغلية في الماء 2فرماج لافاش كيري كاس اتاي زيت ملعقة كبيرة خل فلفل اسود ملح الكل في الروبو او البرا حتان تثقل كولي و ادعيلها

__________________________________________________ __________

>>>> الرد الخامس :

المشاركة الأصلية كتبت بواسطة mazalag
السلام عليكم هذي المايونيز راهي مجربتها عيال خويا و كلما تخلاص نقولها عوديها والله تشهي
بيضة حبة بطاطا بحجم البيضة مغلية في الماء 2فرماج لافاش كيري كاس اتاي زيت ملعقة كبيرة خل فلفل اسود ملح الكل في الروبو او البرا حتان تثقل كولي و ادعيلها

معليش تزيدي تشرحيها زعم كلشي مع بعض
ماشي بالتدريج