عنوان الموضوع : مادلان top جامي نفرط فيه من مطبخي
مقدم من طرف منتديات الضيافة العربية

مساء الخير اخواتي هادي اول مشاركة ليا نوريلكم فيها افضل مادلان في للمجرة الشمسية كامل ساهل و بزاف خفيف و بنين انا منفرطش فيه جامي جامي وليت بيه connu فلافامي تاعي ههههههههه ........المهم هاد الوصفة نستعملها مام فلكعكات انا نشوف بلي لبيسكوي يجي شايح و منحبوش ماشي كيما هادي بزف بنينة
بصح الحاجة ليمتفرحش هي الصور محبوش يتحطو كيما درت..غادوني ليمادلان درتلهم جلسة تصوير فالباطل ههه.....ههه حغروني كيعاد هادي اول مشاركة ليا
المهم حنونات نبداو بالمقادير :3بيض.
8مغارف كبار حليب ( حولي نصف كاس )
8مغرف كبارزيت و8مغارف كبار سكر
قشور ليمون ولا فاني انا نديرهم لزوج
2مغارف كبار كاكاو .شكار ة خميرة
12مغرفة كبيرة فرينة مسيرة لازم تسيروها
وناتي ال مرحلة الخلط ههههه 5
نخلطو كلش نبداو بالبيض مع السكر ثم الحليب ثم الزيت ونزيدو لفاني و القشور واخيرا لكاكاو و الفرينة و الخميرة راهو يجي شوية جا ري ماشي عجينة ثم نديرو قيس مغرف تاع عشا فليكيسات تاع لمادلان ديرو حوالي ثلثين راهي تطلع ممبعد ودخلوها الفرن مدة نصف ساعة 180 درجة نتوما و الفرن تاعكم كيتطيب دوبو السشوكولا انا دايمن ندير ambassadeur noir هي لالاتهم و تاني ماهيش حلوة بزاف و نغطس الوجه تاع ليمادلان في شوكولا وممبعد في نواد كوكو تقدرو بالبرة ديرو شيكولا لداخل مع نوازات . ولا فكرة انيقة كتر ديروهوم ds mini tartes وشنو التزيين بتلكرام شونتيي بالاكم ديرو كريمة الزبدة ماهيش بنينة كيما شونتيي انا خطرة درتها فواحد لاتغات و جاونا دياف و ماعجبتنيش حلفت عليها ......نشاله تجربوه وتقولو كترخير الشاوية ثافحلولث و تدعيولي بالخير 1b sur
تشجعوني هادي اول مشااااااااللللللركة و نحب نقولكم بلي ستفت بزاف منكم ربي يهنيكم وتبقاو توجور شافات فالقمة و
سلااااام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة

__________________________________________________ __________

>>>> الرد الثاني :

يعطيك الصحة


__________________________________________________ __________

>>>> الرد الثالث :

شكرا ليك لكن ياريت لو أرفقتي موضوعك بالصور

__________________________________________________ __________

>>>> الرد الرابع :

أهلاو سهلا بك في منتدانا الغالي



ويا حبذا تحطينا الصور

__________________________________________________ __________

>>>> الرد الخامس :

يعطيك الصحة