السلام عليكم و رحمة الله تعالى و بركاته
حضرت تارت بالموز و التفاح و كريمة الليمون حبيت نشاركها معاكم
حضرت جينواز و هي للامانة لام رامي
الجينواز
6 بيض+كاس سكر+كاس فرينة+نص كاس نشا+1 م ص خميرة+فاني
نخفق الباض مع نصف كمية السكر
نخفق الصفار مع السكر و الفاني
ننخل الفرينة مع النشا و الخميرة
نخلط الكل تدريجيا و بالشوي
ندهن المول تاعي بالزبدة و الفرينة
نفرغ الخليط و الى الفرن المسخن مسبقا 180 درجة
لا نفتح الفرن حتى تنضج مليح
كريمة الليمون
حوالي كاس عصير ليمون+سكر+2 م ص نشا
نخلط كلش حتى يذوب مليح ثم نضعه على النار حتى يثقال و يعقد
نتركه يبرد
كريمة الشانتيي
نخفق بودرة الشانتيي مع الحليب البارد
التزيين
قاطو بيمو مرحي+موز+تفاح او اي فواكه تحبوها
عصير برتقال
نحضر المقادير السابقة
بعد ماتبرد جميع المكونات
نقسم الجينواز على 2
نسقي النصف السفلي بعصير البرتقال او اي سيرو تحبوه
نخلط نصف كمية الشانتيي مع نصف كمية كريمة الليمون
ونضع طبقة من الخليط
نغطي بالنصف الثاني تاع الجينواز و نسقيه بعصير البرتقال
ندهن الجينواز بطبقة خفيفة من الشانتيي
و نغلف الجوانب بقاطو بيمو المرحي او كاوكاو او المتوفر عندك
نبدا نزين بشرائح التفاح
ثم شرائح الموز
ثم التفاح على محيط الجينواز
نفرغ كريمة الليمون لي بقات
و هنا عندها دور ملمع و مانع اكسدة الفواكه و الذوق طبعا
تترك في الثلاجة حتى تتشرب النكهات و تحكم روحها و تقدم
لا اطلب ردود او شكر...دعوة خير تكفيني..
بارك الله فيكن اخواتي
تارت بالفواكه و الليمون... طريقة جزائرية
رد مع اقتباس
