عنوان الموضوع : مجموعة من الحلويات طريقة جزائرية
مقدم من طرف منتديات الضيافة العربية

السلام عليكم ور حمة الله وبركاته
عندي مدة ما كتبتش موضوع نفحتلي ليوم نكتب مجموعة من الوصفات خديتهم على صاحبتي قلت نشارككم بيهم كيما راكم نتوما تمدولنا و ما تبخلو علينا ربي يحفظكم ان شاء الله
راح نكتب كل يوم على حساب ما نقدر ان شاء الله
نبدا على بركة الله
1 gateau d'epice


[SIZE="3"]المقادير[/SIZE]


500 غ عسل المرجان
500 غ سكر قلاص
2 صفار بيض+ بيضة كاملة
علبة بيكاربونات
باكي ونصف خميرة الحلويات
500 غ مايزينة
250 غ مارغرين فلوريال
فرينة
معجون المشماش

للتزيين


بياض بيضة + ملعقة كبيرة عصير ليمون+ 2 ملاعق كبيرة كاكاو + سكر قلاص

طريقة التحضير


نقوم باذابة الزبدة ثم نخلط جميع المكونات العسل + البيض+ السكر + البيكاربونات والخميرة والمايزينة و نضيف الفرينة حتى نتحصل على عجينة مثل الصابلي
بعدها نفتح العجينة ونقطع دوائر بكاس اشاي وتطهى في فرن معتدل مسخن مسبقا
نحضر القلاصاج بخلط المكونات االمذكورة اعلاه للتزيين نظن كامل تعرفو تديرو طلية
عندما تبرد الحلوى نلصق كل 2 حبات مع بعض بالمعجون ثم نزين بخطوط بلابوش بهاديك القلاصاج
و شهية طيبة


2 الوردة المنقوشة



المقادير

200 غ مارغرين فلوريال على شكل pommade
كاس سكر قلاص
نص كاس مايزينة
4 صفار بيض
ملعقة قهوة فانيليا
زاست القارص
باكي خميرة
فرينة عينك ميزانك
ا
الحشو

3 كيلات نواد كوكو
معجون المشماش
وللتزيين نستعمل كرز مصبر

التحضير

نضع في وعاء المارغرين ثم السكر نخدمهم مليح ثم نضيف المايوينة لافاني والخميرة ثم صفار البيض نخلط الكل مع بعض ثم نضيفو الفرينة لغاية الحصول على عجينة مثل الصابلي
نحضرو الحشو بخلط المعجون والنوادكوكو يكون شايد روحو شوية الحشو
ناخد كريات تزن 18 غ من العجينة ندير الحشو داخلها ثم نضعها في مول يكون هابط على تع الدزيريات نبلاطيها شوية ثم ننقشها ونضع كرز مصبر في الوسط للتزيين تطهى في فرن معتدل الحرارة
وكي تنضج وتبرد نرش فوقها سكر قلاص للتزيين

3 les surprises



المقادير


250 غ مارغرين فلوريال
نصف كاس سكر قلاص
2 حبات بيض
1 ملعقة كبيرة كاكاو
1 باكي خميرة
فرينة

الحشو

علبة حلوة الترك + علبة حلقومة + كمية من الكاوكاو يكون رقيق

للتزيين
شكولا سوداء و شكولا بيضاء

التحضير


نخدم المارغرين مليح على شكل بوماد ثم نضيف السكر + البيض وحدة بوحدة + الخميرة والكاكاو ُثم الفرينة بشوية حتى الحصول عل عجينة طرية نقدرو نخدمو بيها
الان نحضر الحشو بجلط حلوة الترك والحلقومة ونحمص الكاوكاو ونضيفو سخون باش يقدرو يذوبو شوية المكونين الاخرين هنا تديري الكاوكاو عينك ميوانك حتى تتلم الحشو
نبسط العجينة ثم نقطع دوائر بقطر 8 سم ندير الحشو في الوسط ثم نغلق بدائرة اخرى الان نقطع الحبة بمول دائري بقطر 6 سم ثم نغلق الحبة ببياض البيض كي تطيب الحلوى نطليها بالشكولا السوداء المذابة على حمام مريم ونزين بالكولا البيضاء بخطوط


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا على وصفة الوريدات كنت نحوس عليها

__________________________________________________ __________

>>>> الرد الثاني :

4 les bracelets




المقادير

150 غ جلجلان محمص و مرحي
250 غ مارغرين فلوريال
250 غ سكر قلاص
1 باكي خميرة
ملعقة قهوة فانيليا
حبة بيض + صفار بيض
فرينة

اللتزيين

عسل + معجون مشمش + نوادكوكو محمص


التحضير

نخدم الزبدة مليح على شكل بوماد ثم نضيف الجلجلان واالسكر + الخميرة والفانيليا و البيض ثم الفرينة حتى الحصول عل عجينة طرية
الان نشكل حربوش على طول ستيلو هكاك وبسمك حوالي 1 سم ثم نغلق للحصول على دائرة نطيبوهم في فرن معتدل
كي يبردو ناخد بانسو ونطليهم بخليط المعجون والعسل ثم نرمدهم في النوادكوكو

__________________________________________________ __________

>>>> الرد الثالث :

اممم راه فيها تشكيلة رائعة من حلويات لهاد العيد
يعطيك الصحة


__________________________________________________ __________

>>>> الرد الرابع :

444444444444444444444444444444444444444

__________________________________________________ __________

>>>> الرد الخامس :

يعطيك الصحة