عنوان الموضوع : البرااااااج يا حنونة ما تراطيش....مممم
مقدم من طرف منتديات الضيافة العربية

سلام بنات المنتدى

نشا الله تكونو لا باس

كي العادة كل مرة عشوية

هاذ المرة صنعت البرااااج

ساهل ماهل....

ديري السميد على حساب ما تحبي

و فرغي الزيت على حساب ما تتبسس

و من بعد ضيفي الملح و الما الدافي حتى تولي عجينة متماسكة

قسميها الى كويرات لازم يكون عددهم زوجي ماشي فردي

يعني باشكي تجيك وحدة فوق وحدة

حلي زوج كويرات ... وحدة في صحن كبير مدور و وحدة فوق القصعة و لا الطاولة

هاذي الاخيرة ادهنيها بشوية زبدة و لا دهان

ديري فوقها التمر اللي تكوني نقيتيه من قبل و فورتيه و زدتيلو شوية زبدة ذايبة و قرفة و قرنفل

كي تديري طبقة التمر ضيفي عليها العجينة اللي كنتي حليتيها في الصحن ... تجيك ساهلة

و بسطيها بيدك على السمك اللي تحبي

من بعد قطعيها الى براج و طيبيها فالطاجين


ممممممممممممممم








>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أمممممممممممم يشهي بصحتكم
مشكورة أختي


__________________________________________________ __________

>>>> الرد الثاني :

شكرًا كنت نتمى الصور به يزيد يشهيني شكرًا

__________________________________________________ __________

>>>> الرد الثالث :

شكرا اختي ربي يجازيك

__________________________________________________ __________

>>>> الرد الرابع :

راهو وقت التمر و الغرس جات في وقتها
يعطيك الصحة

__________________________________________________ __________

>>>> الرد الخامس :

بصحتكم هايلة يعطيك الصحة