لمن لديه معلومات عن المدرسة الوطنية العليا للفلاحة بالحراش
عنوان الموضوع : لمن لديه معلومات عن المدرسة الوطنية العليا للفلاحة بالحراش
مقدم من طرف منتديات الضيافة العربية
من فضلكم اريد معلومات عن هده المدرسة
شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
انا نقرا ثما
سنة ثالثة الحمد لله
حبيت نقولك بلي القرايا ثما نتاع الناس اللي "مستوى" صح يعني اذا تقرا ثما كون متأكد بلي أنت أحسن من جماعة الجامعات
مزيرا الحلة بزااااااف ثما وأنا اعني ما أقول
القرايا صعبة ولازملك تبذل مجهود كبير
لازملك ثان تتعود على طبع الدكاترة اللي يقروك ثما على خاطر هوما " غريبين" شويا
ولكن روووعة
راني قتلك مستوى
وهي ملمة بكل شيء
السنة الاولى تقرا 11 موديل 5 منهم المعامل تاعهم 8
السنة الثانية نسيت نظن 19 موديل
والسنة الثالثة كيفكيف
اذا تشوف روحك قد التحدي أدخلها
اذا متشوفش روحك قدها غير مكلاه
متنساش بلي معترف بيها دوليا
والل يتخرجو منها معندهم حتى مشاكل كي يروحو للخارج
__________________________________________________ __________
>>>> الرد الثاني :
اذا انت رايح تقرا فيها معناها اصبر الوقت الاول كامل عيينا وموالفناهاش بصح بحلول الفصل الثاني الحمد لله كنا متأقلمين
الا مقتلكش االسنة الاولى كاين عندك 3 فصول مي السنة الثالثة والثانية عند 4 فصول
"مجهودات جبارة يلزملك ثما
وبما انك ولد رايح تسكن قريب منها بزاف في الاقامة بوراوي عمار
ثم متنساش التخصصات فيها بزززاف
__________________________________________________ __________
>>>> الرد الثالث :
انا ثاني سجلت فيها مي راني خايفة شوية من لقرايا و ان شاءالله ربي يدير لي فيها الخير
__________________________________________________ __________
>>>> الرد الرابع :
اخت لوتس .... كنت نقرا ف هاد المدرسة .... بصح ماكملتش قريت شهر وخرجت بصح والله راني مندم عليها حتى لحفت بلوكبت العام في الجامعة ....راني حاب نرجع .... زعما فبها امل ؟؟؟؟؟
__________________________________________________ __________
>>>> الرد الخامس :
انا تاني قيرت فيها سهرين و حبست و ندمت عليها والله فرق كبير مابين مدرسة و جامعة حقيقة مليحة والله فووووووووووووووور
المشاركة الأصلية كتبت بواسطة yazid chinoui https://host.xplainer.net/images/buttons/viewpost.gif
اخت لوتس .... كنت نقرا ف هاد المدرسة .... بصح ماكملتش قريت شهر وخرجت بصح والله راني مندم عليها حتى لحفت بلوكبت العام في الجامعة ....راني حاب نرجع .... زعما فبها امل ؟؟؟؟؟ |
أنا منقدر نقولك والو في الوقت الحالي
مي الصراحة لحد الساعة اللي يدرسو معايا مزالو يقولو رانا نادمين كي اخترناها
ومزالهم ميحبوهاش مع انهم اختاروا التخصص وانتهى الامر
متندموش كون شاف فيها ربي صلاح ليكم كون بقيتو فيها
كي نادمين عليها بالاك التخصص هادا مكانش عاجبهم ..... والحاجة اللي تهم انها مدرسة مستوى و ديبلوم مليح ..... مي الجامعة تمرميد ....
العام لي فات غير خرجت من INA دخلت الجامعة ................................شهر greve تماك حسيت للفرق وندمت
انا اعطوهالي هاذ العام و درت تحويل للقبة لاني مانيش حابة تخصص علوم فلاحية
svp goulouli chahom houma les spécialités li ne9edrou nrirouhom < esq te9der tkemel doctorat
هل العمل مضمون ام لا بعد التخرج
المهم انا اعرف انه لا يمكنك الدخول اليها الان الا بعامين تحضيري الله اعلم
والدكتورا اظن انك تكمل عادي
الله اعلم
السلام عليكم
الحالة تما مزيرة وصعيبة شوي لازم تبذل مجهوود باه تلحق وتحيب
اخي متخرج منها والحمد لله راه موظف الان
Ok w famah mowadaf khok ??
احد اشهر الاساتذة " هناك الاستاذ خليفي لخضر بروفيسور بأتم معنى كلمة علما وأخلاقا لن تندمو عندما تدرسون عنده
