عنوان الموضوع : تحوسي تخيطي كوات ادخلي ....سطايفيه طرز و خياطة
مقدم من طرف منتديات الضيافة العربية
https://imagizer.imageshack.com/img540/752/wKiQcH.jpg
السلام عليكم و رحمة الله و بركاته
ورشة اليوم مختلفه و باينه من العنوان
باش تخيطي الكوات اول حاجه لازم تحددي
لكان تاع بلاصه ولا زوج بلايص
المهم تاع زوج بلايص تحتاجي لاوات
زوج ميطرات ونص . خيري من لمليحه
خاطر لي راهم يتباعو خفاف غسله زوج ترق و تتفتت
هاذي شريتها 25نلف للمتر
https://imagizer.imageshack.com/img538/7556/u86v2X.jpg
و قماش خيري كيما بغيتي تحبي ديري كل وجه من زي
انا عندي لقماش من قبل و ما بغيتش نعرضها بزاف
(تقدري تقولي درت بلاصه و نصhttps://host.xplainer.net/images/smilies/1.gif)
https://imagizer.imageshack.com/img673/5703/SzAI8T.jpg
هاذي تاعي لقديمه
https://imagizer.imageshack.com/img905/6953/g5EWUL.jpg
فرشت لقماس و حطيت لاوات تاعي و قلبت علي الطرف الثاني
https://imagizer.imageshack.com/img538/9697/QKl3wD.jpg
راح تعدلي الزوائد بالمقص و تخلي زوج سم من لقماش بعيد على لاوات
حق لخياطه
https://imagizer.imageshack.com/img674/3509/GYfaW4.jpg
من بعد تبداي تفيكسي بالنقاقب على الحواف و في النصف
من حسن حظي ان لقماش لي خيرتو فيه الموتيف مربعات يعني
مطراسي من عندهم ههه
نتي ارسمي الموتيف لي بغيتي مقروطات او ماطلاسي. باش نخيطو و نثبتو لاوات مع لكتان
هيا نخرجو نخيطوه علابالكم ختكم منفيه في الحوش https://host.xplainer.net/images/smilies/mh31.gif
انا بدلت رجل المشينه تساعدني الرقيقه تمشي مليح
لعريضه تثقلني هي منطقيا خميلها تلقايها صح
https://imagizer.imageshack.com/img674/265/gkvrxf.jpg
لي مشينتها خفيفه غير ما جربش خاطر راح تهلكها
و تعشي تدعي عليا https://host.xplainer.net/images/smilies/sdf.gif
لازم نبداو بالحواف نبعدو قيمه خس صباع على الحافه و نبداو نخيطو ساير داير
https://imagizer.imageshack.com/img903/9600/32VFye.jpg
لازم تتحكمي فيها كي جي تخيطي في الوسط
المكان ضيق تاع المشينه اذن راح تبرميها و تثبتيها بيدك و اليد لوخرى تجبد للخلف
https://imagizer.imageshack.com/img910/4648/LWOwAM.jpg
خلصنا لداخل نروحو نقفلوها على الحواف بهاذ الطريقه
https://imagizer.imageshack.com/img633/3516/avgc3M.jpg
كاينه طريقه اخرى تخليه ميش مكفف و تفوتي عليه بيي سبيسيال كوات
و كاين طريقه اخرى مختلفه من الاول تخيطي الكوات كيما لمخده و تقلبيها
و تحشي فيها لاوات انا ماساعدتنيش الطريقه تكركبتلي. و ماقدرتش نتحكم فيها https://host.xplainer.net/images/smilies/confused.gif
خلاص انهينا
ضك تنقيها من الخيوط و النقاقب
https://imagizer.imageshack.com/img673/549/WBijmo.jpg
هاي الكوات متغطيه بيها ههههه لالا وريتهالكم برك في الليل نتغطى بيها
https://imagizer.imageshack.com/img540/7412/WgqatT.jpg
هيا ديرو نتوما ليكم و لولادكم كاين لقماش تاع بنات هيلو كيتي و تاع الذراري
سبيدرمان و بين تان الله الله
و تقدري تخدمي بساط صغير تقعدي عليه
. اتقلشي خليك من المشري كون يسمعوني لي يبيعو فيها
يقولولي الاقتصاد حابس و نتي زدتي علينا https://host.xplainer.net/images/smilies/rolleyes.gif
يااااريت وحده طبقها و تدعيلي
https://imagizer.imageshack.com/img674/8966/xWfqh0.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله عليك يا الغالية
ما شاء الله ربي يفرحك و يعطيك الصحة و العافية
الله ينور دربك وقلبك ويجعلك من السعداء دائما قولي امين
__________________________________________________ __________
>>>> الرد الثاني :
يعطيك الصحة والله عجبتني انا ما نعرفش الخياطة لكن ان شاء الله نتعلمها
__________________________________________________ __________
>>>> الرد الثالث :
ما نيش عارفة علاش كي نقرا اسم السطايفية نتحفز
نهارك مبروك حبيبتي ...بصحتك لاكوات .تغطيك بالربح ودعوة الخير ان شاء الله...راني طبقت الورشة نتاعك تاع الصالون ودعيتلك بالخير.ربي اخليك.
https://im48.gulfup.com/g6QTxA.jpg
https://im55.gulfup.com/shT8wg.jpg
__________________________________________________ __________
>>>> الرد الرابع :
سلام اختي العزيزة مشكورة علا التوضيح ربي يبارك فيك تعيشي قليلي انا دايما نحب ندير لبناتي فراشات وريدو كيف كيف مي دايما نطيج في القماش الي يروح لونو مع الغسيل قليلي ادا كاين قماش مليح ويداوم تعرفي الاولاد
__________________________________________________ __________
>>>> الرد الخامس :
ربي يعطيك واش تتمني فكرة هايلة ن شاء لله كينشري لماشينة نطبقها بصح قوليلي لاوا ما عدوش اسم خر
