عنوان الموضوع : موضوع شامل لأنواع لي مونش ...سطايفيه للتفصيل و الخياطة
مقدم من طرف منتديات الضيافة العربية
https://img822.imageshack.us/img822/8842/ubmh.jpg
السلام عليكم
واش حوالكم
كاين بنات طلبو كيفيه تفصيل مونش بطريقه ساهله و بسيطه و ناجحه
اول حاجه راح نعملوها لازم نرفدو قيس دورة الذراع تاعنا انا درت مثال 33سم
و خيرت طول الذراع نورمال
عندنا ارتفاع الذراع يبدى من 12 لطفله صغيره ل16 متوسط ل 18 عبد كبير
مانحبش ندخل في الزايد و الناقص و تتخلط الحاله انا نعمل بالمقاسات
لي ساعدوني و نجحولي بالتجربه خاصة الحوايج لي نخيطهم تاع
دار ماشي كلاسيك لانو هو يحتاج قياسات مضبوطه
و يجينا اقل من القياس لي محدداتو انا ب 18سم
اول شي راح تتعلمي ترسمي الباترون نتاعك الاساسي
لي هو المونش العادي المسطح و منو راح تقدري تخرجي انواع من ليمونش
ضك نوضحلك واش درت المونش قسمتو على زوج حددت
ارتفاع الابط ب 18سم و عملت الخط الفاصل بين الفوق و التحت
نروحو للطرف الفوقاني و ترسمي الخطين المايلين لي يتلاقاو عند
راس الكم نتاعنا من بعد هاذوك الضلعين نقسمو كل واحد فيهم
على اربع نقاط و من بعد هذوك النقاط ارواحي نقولك واش نديرو بيهم
النقطه واحد ندخلو لداخل ب 0,5
النقطه 2 نخرجو ب 1,5سم
النقطه 3نخرجو ب 2 سم
النقطه 4نخرجو 2,5 سم
النقطه 5نخرجو ب 1سم
النقطه 6مانديرو والو تريح كيماراهي
و ترسمي
https://img823.imageshack.us/img823/548/dcmg.jpg
https://img842.imageshack.us/img842/3532/x1kh.jpg
https://img818.imageshack.us/img818/1715/t7ny.jpg
و تفصلي لي مونش تاوعك في زوج و كي تركبيهم تخيطي الكتف الامامي مع الخلفي و تركبي
باش تتاكدي من القيس نتاعك و مايجيكش الزايد
هزي الميطره نتاعك و وقفيها بشكل عمودي و دوريها على حواف فتحة الذراع كامل من الامام للخلف
لي راح تلقايها نفس القياسات كيما التور تاع الموش كامل
و لكان لقيتي زايد واحد سم او ناقص اعدلي الجيهتين و مع الوقت تتعودي و تعود عينك هي ميزانك
https://img849.imageshack.us/img849/1851/brl5.jpg
https://img834.imageshack.us/img834/241/rm8eh.jpg
IMG]
https://img834.imageshack.us/img834/4497/lypz.jpg
https://img819.imageshack.us/img819/3430/8egf.jpg
الاول مونش gigot وين يجيونا النقشات من فوق و باش تتحصلي عليه تبعي هاذ الطريقه
قطعي الباترون في الوسط و ايكارتي من فوق بعديهم على بعضاهم. قدما حبيتي تتحصلي على النقشات
و هاوليك كيفاش ديري
https://img829.imageshack.us/img829/2822/tq0g.jpg
المونش الثاني مونش بوفونت هو عكس الاول معناه النقشات يجيو غير من اسفل
نفس العمليه بصح هنا تبعدي اجزاء اسفل المونش على بعضاهم شوفي
https://img843.imageshack.us/img843/456/tz9gy.jpg
المونش بالون لي وراهم يجي فيه النقشات من فوق و من اسفل
معناها تبعدي الطراف تاع الباترون قدما نتي راكي حابه تنقشي
https://img818.imageshack.us/img818/1371/bpgj.jpg
المونش التالي
يعجبني و نحب نديرو بزاف مونش درابي
باش تتحصلي [IMG][/IMG]
تقطعي الباترون نتاعك كيما هكذا
و تيكارتي الطراف بنفس الطريقه و قدما تحبي تتحصلي على
الدرابي بعدي الطراف على بعضاهم
https://img829.imageshack.us/img829/527/6c2k.jpg
https://img842.imageshack.us/img842/1193/2qffw.jpg
النقشات تاوعنا يجيو لفوق باش صلحلنا الدرابي
https://img850.imageshack.us/img850/8853/zwh7.jpg
https://img841.imageshack.us/img841/1365/gliw.jpg
https://img829.imageshack.us/img829/3064/nrje.jpg
المونش raglan
في يبدى راس المونش من الرقبه و يهبط هو ساهل فقط نطبقو قياساتنا
و نقطعو جزء الكتف كيما راني مبينه نحسبو دوران الرقبه نتاعنا (الامامي وحدو و الخلف وحدو ) و نقسمو لي لقيناه على اربعه و نحدد النقاط في دوره الرقبه راح يكون عندي ثلاث الوسطانيه ما نتلاحوش ليها اما الجيهتين منهم نبدا نطراسي الخط حتى لحرده الابط
الهدره هاذي كامل راهي على الباترون. بالاكي تتلاحي للقماش
https://img841.imageshack.us/img841/2214/s7tn5.jpg
منبع ما نقطعو نحطو نفصلو الامام و الخلف وحدهم و ليمونش نلصق الطراف تاع لكتف لي قطعتهم في اعلى المونش و نطبق لقماش على 2 و نفصل لانو اعلى الكتف هنا يجيني مجمول ميش ميخط
https://img829.imageshack.us/img829/2479/zkkxm.jpg
https://img829.imageshack.us/img829/4738/5vzr.jpg
وكاين لي سقصات على ليمونس العاديين لي نستعملوهم في روبات الدار نقولهم كامل خارجين من فكره وحده و نتي ميش شرط تلتازمي بالقياسات معنا بغيتي مناشه سامبل يعني تكون فيها النقشات عند الكتف و قدقد من تحت استعملي فكره مونش gigot
بغيتي مناشات عراض مراوح استعملي المونش بالون و لا لي مونش لي يبان فيهم لكتف عريان ... و انواع و انوااااع .! فقط قطعي وين نتي بغيتي المونش يوصلك
https://img853.imageshack.us/img853/4364/3qu8.jpg
و هنا بينتلكم وين يجيو النقشات في الانواع الاربعه* الاولى
https://img829.imageshack.us/img829/1698/f0ga.jpg
هيا واش قلتو ساهل الدرس ولا صعيب شوي جربو في
حويجه صغيره باش تبان و كي تنجحو ازدمو على لكبير بالتوفيق
دعاؤكم لي و لوالديا
اختكم السطايفيه
https://img856.imageshack.us/img856/5998/xy1g.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعطيك ما تتمناي سطايفية
موضوع هااااااااااااااااااااااااااااااااااااااااااايل و شرح فالقمة
راني نستنا برك فالتصاور يطلعولي
__________________________________________________ __________
>>>> الرد الثاني :
يعطيك الصحةشرح وافي كافي
حاجة توب طو توب
ربي يعطيك ما تتمناي ان شاء الله و يرحم الوالد ان شاء الله
__________________________________________________ __________
>>>> الرد الثالث :
الف شكر حبيبتي موضوع في القمة
ككمواضيع
يعطيك ربي ويمنيك
لكن الاخير مخي حبس لم افهمه
__________________________________________________ __________
>>>> الرد الرابع :
يعطيك الصحة
__________________________________________________ __________
>>>> الرد الخامس :
المشاركة الأصلية كتبت بواسطة موجو جوجو https://host.xplainer.net/images/buttons/viewpost.gif
الله يعطيك ما تتمناي سطايفية
موضوع هااااااااااااااااااااااااااااااااااااااااااايل و شرح فالقمة
راني نستنا برك فالتصاور يطلعولي
علاش جاو كبار والله خدمت الموضوع بالبورطابل ياو عميت علابالك باش خلصتو .!
المشاركة الأصلية كتبت بواسطة ميار صهيب https://host.xplainer.net/images/buttons/viewpost.gif
الف شكر حبيبتي موضوع في القمة
ككمواضيع
يعطيك ربي ويمنيك
لكن الاخير مخي حبس لم افهمه
الاخير ساهل معنا حنا نستعو في راس المونش و نطلعو ليسباس باش نستغلوه في نقشات و كي جي تنقشي اخدمي نقشات من الجانبين بتوازي و ماتنقشيش عند راس المونش يعني وين يتلاقاو الكتفين الامامي و الخلفي. لازم تجربيها في قماش باش تشوفي النتيجه ميار
