ملف لتورتات و حلويات الاطفال قاطو جديد
عنوان الموضوع : ملف لتورتات و حلويات الاطفال قاطو جديد
مقدم من طرف منتديات الضيافة العربية
سلااااام عدت من جديد و راح نلم مواضيعي ملفات مفتوحة مع الجديد كل مرة
كيك بالشكولاطو فوندون
https://im33.gulfup.com/Pjp3v.jpg
https://im33.gulfup.com/3RYMd.jpg
٤ بيض
رشة ملح
٧٠ غ زبدة طرية
١ م ك كاكاو اسود
١٥٠ غ شكولاطة ذائبة و من الافضل سوداء
٢٥٠ غ فرينة
٢ م ص خميرة
١٠٠ غ سكر
https://im33.gulfup.com/XaiOw.jpg
نضرب البيض مليييييح مع الملح و نزيد السكر بالشوي ثم الزبدة و الشكولاطة و نكمل الخلط
ننقص السرعة و نزيد الفرينة الكاكاو و الخميرة
https://im33.gulfup.com/YJC1e.jpg
أضيفي في الاخير حبيبات الشكولاطة البيضاء اذا اردتي أنا ماعنديش درت الأقراص لكنها تذوب ماتبانش من بعد
ندهن مول الكيك بالزبدة و نرشه بالفرينة
نضع الخليط في المول و نطيبه في ١٥٠ درجة مدة ساعة او اكثر تحققي بالسكين
https://im33.gulfup.com/s7XvG.jpg
خليه ٥ دقائق و نحيه من المول و خليه يبرد
طورطة المرح الاقتصادية
https://im32.gulfup.com/q5tmA.jpg
الجينواز عندك الاختيار و الحجم أيضاً انا هنا خدمت 2 لأولاد اختي
مقادير الجينواز:
https://im32.gulfup.com/ZzeIL.jpg
12 بيضة لطورطة واحدة ديري 6 بيضات و كملي اقسمي كلش على 2
24 ملاعق كبار سكر
24 ملاعق كبار زيت
20 ملعقة فرينة كبار
4 ملاعق كاكاو غامق
ثلاث أكياس خميرة
رشة ملح
https://im32.gulfup.com/nycpK.jpg
نخفق البيض مع الملح جيدا ثم نظيف السكر بالشوي ي يذوب نزيد الزيت و نقص السرعة و نزيد الفرينة كاكاو و الخميرة
المول المستعمل طول 40 او 38 و عرض 30 سم و نقسم الخليط على ثلاثة لطورطة واحدة اقسمي على 2
طيبيهم درجة 170 و حطيهم في وسط الفرن
عندك تحرقيهم يالفحلة لان الجينواز السوداء ماتبانش كي تحمار اي مالا عسي كي تجف من فوق c'est bon ok
الان انا قسمت كل وحدة علي 2 تولي عندي 6 قطع و درت لما وحدة 3 طبقات
عند استعمال طورطة وحدة راح ديري 4 طبقات
نحضر كريم شونتي انا درت نص لتر حليب لو طورطة حدة ربع لتر و طلعي الشونتي حاولي تكون متماسكة
و جيبي شوي pépites de chocolat و حطي طبقة جينواز كريم حبيبات حتى تكملي
https://im32.gulfup.com/LM56S.jpg
اذا ماشي في مستوى واحد نقصي بالسكين المسنن
غلفيها بالكريمة لكن طبقة رقيييييقة و خليها في الثلاجة
القلاصاج:
https://im32.gulfup.com/8F2B2.jpg
300 غ ذائبة
علبة صغيرة نسيلي مكرمل
كاكاو و الحليب بارد
انت اقسمي المكونات على 2 دائماً و يمكن الاستغناء على النيسلي و ديري الكاكاو و الماء و الشكولاطة
نخلط المكونات بالمضرب و نزيد الحليب او الماء حتى الحصول على صوص ثقيلة شوي
نخليها تبرد و نغلف الطورطة و نظف الزائد و ننقلها في طبق التقديم و نمسح الجوانب
و نخليها تشد روحها في مكان بارد
https://im32.gulfup.com/vwjGA.jpg
مكونات التزين:
https://im32.gulfup.com/f1Sjj.jpg
https://im32.gulfup.com/MSEtN.jpg
كلش في الصورة و يمكن ديري الحلوى الغالية انا درت حاجات رخيصة الميزانية تاع الأكراد لا تسمح ههههههه
و ان شاء الله تعجبكم
https://im35.gulfup.com/AnuTh.jpg
كعكة سبايدر مان
الاطفال الذكور هبلونا ب spiderman بيناتنا انا يقلقني ههههههه لكن لازم نفرحوهم بحاجة يحبوها
هذه الكيكة جد بسيطة و سهلة و اي واحد يقدر يعملها ان شاء الله تعجبكم يا رب
مقادير الجينواز
8 بيض دافئ
ملاعق كبار سكر16
16 ملاعق كبار زيت نباتي
4 ملاعق كبار كاكاو اسود
12 ملاعق كبار فرينة
2 خميرة كيميائية
https://im35.gulfup.com/EdMtE.jpg
https://im35.gulfup.com/UstCa.jpg
يخفق البيض ثم يظاف السكر بمراحل ثم الزيت
نخفض سرعة الخفاقة و نضيف الكاكاو و الخميرة و الفرينة
ندهن صينية الخبز بالزبدة و الفرينة و نصب الخليط يمكن قسمها من طبقتين حتى خمسة
نطيب الجينواز في 180 درجة
https://im35.gulfup.com/O80fA.jpg
مقادير الكريمة
نذوب 300 غ شكولا سوداء و نظيفولها كاس حليب بارد و نحرك حتى تتحلل الشوكولا في الحليب و يبرد الخليط و نظيفولو بودرة الشونتى و نطلعو الكريمة حتى نتحصل على كريمة متماسكة
مقادير صوص الحليب و الكراميل
كاس الا الثلث حليب دافئ
ملعقة كبيرة حليب بودرة
ملعقتين كبار كراميل
فنيلا
نخلط كل المقادير و نخليوها تبرد
بعد ما طيب الجينواز نجيب الكريمة و الصوص
https://im35.gulfup.com/9xzl0.jpg
فوق قاعدة ألمنيوم انت تصنعينها او تشري لي خاصة بالتورتات تحطي كمية من الكريمة لتثبيت الطبقة الاولى من الجينواز
و نحط الطبقة الاولى نشربها بالصوص و نحط الكريمة حتى اخر طبقة
نغلف الكيكة بالكريم و نعدلها مليح و نحطوها لتتماسك في الثلاجة
https://im35.gulfup.com/o1QaC.jpg
https://im35.gulfup.com/YrrMB.jpg
نلون عجينة السكر بالابيض ثم نقسموها و نلونوها بالالوان لي نحتاجها و نخليكم مع الصور تشرح احسن مني
https://im35.gulfup.com/kMLbe.jpg
https://im35.gulfup.com/hLYJo.jpg
مرحباااااا
الكووووكيييز للأطفال
تصلح للعيد او حفلات الاطفال بطعم الكراميل يم يميييي
https://im36.gulfup.com/vnAZQ.jpg
المقادير:
https://im36.gulfup.com/vcGoR.jpg
[COLOR="rgb(0, 191, 255)"]100غ سكر ناعم
200 غ زبدة بحرارة الغرفة
صفار بيضتين
ملعقة كبيرة كراميل
نص ملعقة خميرة
رشة ملح
حبيبات الشكلاطة تقريبا 100 غ
و فرينة للم العجينة
حلوى ملونة النوع لي تحبي انا استعملت لي داخلها الصنوبر الاسود و يمكن استعمال لي بداخلها الشكلاطة
[/COLOR]
https://im36.gulfup.com/T01uQ.jpg
نضرب السكر و الزبدة صفار البيض الكراميل و الملح مع بعض حتى نتحصل على كريمة مثل الصورة
ثم باليد نظيف حبيبات الشكولاطة و الفرينة تدريجيا حتى الحصول على عجينة متماسكة و ماتكونش ناشفة بزاف
https://im36.gulfup.com/aR8Qt.jpg
https://im36.gulfup.com/yM4Uk.jpg
يمكن تشكيل البسكوت باليد حبة حبة او نفرد العجينة و نطبع دوائر صغيرة و نضعها في لبصينية غير مدهونة
نصغر الحبة لانها راح تكبار في الفرن و نضع حبات الحلوى الملونة فوق حبات البسكوت و نضغط عليها قليلا
نسخن الفرن 180 درجة و نحطو الصينية في الوسط
كي يحمار البسكويت نطفي الفرن و نجبدوه
https://im36.gulfup.com/h3l1c.jpg
https://im36.gulfup.com/FTBpV.jpg
بعد ما يبرد نغلف كل حبتين او ثلاث بالبلاستيك و نربط بشريط حريري
https://im36.gulfup.com/Vh8gY.jpg
https://im36.gulfup.com/ObiaC.jpg
استعملي عدة ألوان لجذب انتباه الاطفال و نقدموهم في اي نوع سلة عندك و بالصحة
ان شاء الله يعجبوكم
طورطة السيارة الحمراء بدون مفتاح ههههه*
حجم: الطول 25 سم العرض 18 سم ارتفاع من 7 الى 14 سم
اولا الطورطات الامريكية تعتمد على الشكل اكثر من هشاشة الجينواز*
الجينواز لازم يكون ثقيل مثل الكيك و الكريمة حذاري من الشونتي لازم كريمة الزبدة باه كي تغلفي تحطي تجمد و من بعد تصقلي الشكل او الهيكل للتغليف بالعجينة السكر
ليست مثل الكيكات الفرنسية لي تكون رطبة*
نبدا بالجينواز:
4 بيضات*
كاس سكر
150 غ زبدة طرية
كيس خميرة*
فنيلا*
قشور ليمون*
250 غ فرينة
رشة ملح
او*
3 بيضات
9 ملاعق سكر
9ملاعق زيت
15 ملاعق فرينة
قشور ليمون
خميرة كيس واحد
رشة ملح
*تخدمي الجينواز عادي في batteur*
في صينية قطرها 24 سم او 25 لي متوفر عندك
ندهنها بالزبدة و الفرينة
و نقسم الخليط على 2 و نطيب اذا عندك صينيتين احسن
حطيها في وسط الفرن حرارة 150 درجة حتى تحمار من فوق و نحيها
إذن نتحصل على 2 جينواز مدورين نخليوهم يبردو و نحضر كريمة الزبدة
نطلع بياض بيضة*
نحط على النار متوسطة 50 غ ماء و 120 غ سكر حتى نصل الى حرارة 110 او 112 درجة لي ماعندهاش المحرار المطبخي ماشي تاع قياس حرارة حفيظ كي يكون مريض هههههه ام ماجد وحدك رايحة تكسر الرئبق*
تستعمل الطريقة هذه
كي تشوفو السكر بدا يغلي و ذاب تجيبي ملعقة خشبية و ماء بارد
نحد ذيل الملعقة في السكر ثم مباشرة في الماء البارد و نشوف السكر لي لصق في الملعقة هل هو لين مثل الصورة او مزال يعني نزيد نغليه
و نسكب تدريجيا على بياض البيض مع الضرب هذه هي الميرانغ الايطالية نحطوها تبرد
https://img600.imageshack.us/img600/9998/0mji.jpg
كي تبرد نظيف 150 غ زبدة لينة و فنيلا راح تجيك كريمة الزبدة هاااايلة*
ملاحظة نفس الطريقة لتحضير كريمة الزبدة بزبدة البندق و الكاكاو و غيرها مثل لي في kinder bueno*
نلصق الجينواز بالكريمة*
https://img14.imageshack.us/img14/6892/oyje.jpg
و بسكين مسنن نقطع مثل الصورة
https://img35.imageshack.us/img35/8642/0qsh.jpg
و نكمل مثل الصور*
https://img199.imageshack.us/img199/3498/w6i7.jpg
https://img13.imageshack.us/img13/5024/xz3k.jpg
نغلف الطورطة بالكريمة و نخليها في الثلاجة تجمد
نجبدها و بالسكين او ظهر الملعقة نصقل الشكل جيدا ننزع الزوائد و نردها في الثلاجة و نحضر عجينة السكر
https://img31.imageshack.us/img31/8066/e9sk.jpg
للسيارة يلزم علبتان صغيرتان مكتوب فيها عجينة اللوز راهي تتباع ب 100 او 150 دج
نظيف القليل من النشاء و الملون الابيض و نعجن
نقسم قسم كبير نلونه بالأحمر او لون السيارة
و جزء باللون البني يعني الكاكاو
و البقي ألوان ابيض ازرق اصفر*
نفرد الحمراء على بلاستيك و نقلبها على الكعكة و خلي الكيس من فوق و ملسي بيدك الشوك و الانحدرات و قطعي الزوائد و نحي البلاستيك
بالبسكوي الصغير مثل برينو غلفي حبة باللون البني و زيني مثل الصورة اربع عجلات و دخليهم في مكان المخصص
و بالأبيض ديري الزجاج و كملي الباقي مثل الصورة
https://img802.imageshack.us/img802/707/qh61.jpg
https://img834.imageshack.us/img834/2350/l1c8.jpg
https://img823.imageshack.us/img823/1524/x7go.jpg
حتى راح نخبيها باه فقت بلي نسيت h هههههه
https://img541.imageshack.us/img541/9792/h1pn.jpg]
https://img23.imageshack.us/img23/6035/mqdj.jpg
بسكويت الموز
المقادير:
نصف كاس زبدة او سمن*
موزة مهروسة بالشوكة فقط
بيضة
نص كاس سكر او اكثر لي تحب الحلو*
خمس ملاعق نشاء*
ملعقة صغيرة خميرة كيميائية*
رشة ملح
فنيلا
شكولاطة للتزين
حبيبات الشكولاطة انا ماكنتش عندي يعني يمكن الاستغناء عنها
ملون اصفر
https://img89.imageshack.us/img89/9825/9ypu.jpg
بالمضرب نخلط البيضة مع السكرة الفنيلا جيدا ثم نظيف الزبدة مع الملح حتى نتحصل على كريمة نلونها بالاصفر درجة الموز و نظيف حبيبات الشوكولا ان وجدت الكمية لي تحبي ثم نظيف الموزة و النشاء و الخميرة و الفرينة تدريجيا حتى نتحصل على عجينة متماسكة بالطبع هنا نخلط باليد
نضعها في الثلاجة مدة نصف ساعة لترتاح و نسخن الفرن 180 درجة
https://img841.imageshack.us/img841/5501/a83k.jpg
نرش الصينية بالفرينة او ندهنها بالزبدة او الزيت اذا اردتي بسكوت مقرمش
نشكلها مثل التشاراك و نخبزها حتى تحمار من الأسفل و لي تحب تزيد تحمرها حتى من فوق
كي تبرد نذوب الشكولاطة و نغمس الطرفين و لي تحب البنان الموشتي تزيد نقاط ههههه اما اي دارت الحبيبات في العجينة فلا داعي
https://img13.imageshack.us/img13/8613/936q.jpg
و يمكن نغميس الحبة كاملة لمحبي الشكولاطة و نتحصل على بنان مشوي ههههه
https://img41.imageshack.us/img41/5120/vszi.jpg
شهية طيبة للجميع و تقبلو مروري*
بسكويت الهدية
https://im32.gulfup.com/946eG.jpg
الفكرة شفتها في الإنترنيت و حبيت نجربها و عجبتني
مقادير العجينة:
https://im38.gulfup.com/YwT5I.jpg
انا استعملت نص الكمية
البيضاء:
150 غ زبدة طرية
بيضة
نص كاس سكر ناعم
رشة ملح
فنيلا انا درت مبشور البرتقال
فرينة تلمي بيها
السوداء:
يمكن استبدال الكاكاو بألوان اخرى
150 غ زبدة
صفار بيضة
رشة ملح
نص كاس سكر ناعم
فرينة لمي بيها العجينة
https://im38.gulfup.com/0bU4O.jpg
نخلط العجينة الزبدة و السكر و الملح ثم البيض و الفرينة حتى نتحصل على عجينتين متماسكتان
نفرد على بلاستيك العجينة البيضاء و تقطع شرائح بعلو 8 مم او 1 سم و عرض 3 سم
و العجينة السوداء نفس الشيئ فقط نقسي العلو و نضع شريط ابيض فوقه اسود ثم ابيض
https://im38.gulfup.com/Z1yoz.jpg
نقسم الشريط ذو ثلاث طبقات ألى 2 و نقلب الجزءان حيث نشوف ابيض اسود ابيض
و نقص شريط اخر اسود ونفس عرض الشريطين لي تحصلنا عليهم و نضعه فوف واحد منهما و الاخر فوق الاسود
https://im38.gulfup.com/t0c0V.jpg
https://im38.gulfup.com/EAnKg.jpg
نضع الشكل المتحصل عليه في الثلاجة يجمد شوي و نقص مثل الصورة و نزين بالعجينة السوداء و للؤلؤة سكر علبة الهدية
https://im38.gulfup.com/0kcUN.jpg
https://im38.gulfup.com/OVTZL.jpg
https://im38.gulfup.com/V4inZ.jpg
https://im38.gulfup.com/OLEHX.jpg
يخبز على درجة 180 درجة حتى يحمار من تحت
https://im38.gulfup.com/dzad2.jpg
الاطفال راح يحبوه ان شاء الله
و هذا رابط الفيديو
https://m.youtube.com/watch?v=ruNH_rCDPhY
>>>>> ردود الأعضـــــــــــــــــــاء على الموضوع <<<<<
==================================
