عنوان الموضوع : بوسو لا تمسو
مقدم من طرف منتديات الضيافة العربية
السلام عليكم
زوجة عمي دير وحد بوسو لا تمسو ياااي يذوب في الفم باليمون
و انا راني حااااااااااااااابة ندير كيما هو
اي افكار بنات؟؟ مساعدة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تفضلي اختي احنا منديروهش بصح حوستلك ولقيت هادا و ان شاء الله لبنات يفيدوك
المقادير:
250 غ مارغرين طرية، كأس سكر ناعم، 3 صفار بيض ، كيس خميرة كيميائية، 200 غ مايزينا، قشور وعصير 3 حبات قارس، فرينة، ملون أصفر، ماء الزهر، سكر ناعم.
التحضير:
في جفنة نضع المارغرين والسكر نمزج ونضيف صفار البيض المايزينا والخميرة ومبشور الليمون ثم نضيف الفرينة حتى نحصل على عجينة ،نصنع من العجينة حرابش فوق طاولة مرشوشة بالفرينة، نقطعها على شكل مقروط نضع الحلوى في صينية وندخلها الفرن مدة 15 دقيقة.عندما تنضج نغطس المقروط في ماء الزهر أو الشربات ونغلفها بالسكر الناعم الملون بالأصفر ونضعها في أكياس ورقية
__________________________________________________ __________
>>>> الرد الثاني :
انت جيبيلنا الوصفة من عند زوجة عمك نستفادو كامل
__________________________________________________ __________
>>>> الرد الثالث :
شوفي باش يجيك مليح وفيه طعمة القارص الشاربات ديريله بعصير القارص والسكر امممممممممممممممم يجي هايل وهدي وصفتي
500غ مرقرين مع 1 كاس سكر قلاصي و4 بيض و1 كاس نشاء +1 بواطة فلن فاني + 1 خميرة وزاست تاع القارص ولمي بالفرينة وديري حربوش وقطعيه مقروطات وحطيه يطيب وكيبرد غمسيه في الشاربات تاع القارص اللي حطيتهال والسكر قلاصي اممممممممممممممم
__________________________________________________ __________
>>>> الرد الرابع :
انا ادير 3صفار بيض +بيضة كاملة +نصف كاس سكر رطب+ 250 غ زبدة +1 قاني+1خميرة الحلوى +مبشور 2حبات قارص+2مغارف كبار ماء زهر +2مغارف كبار كاوكاو مقلي مرحي اعملي حربوش وقصي مقروضات وطيبيهم ثم مرمديهم في سكر رطب وهوما سخونين ولا غطسي في ماء زهر ثم في سكر رطب وشهية طيبة
__________________________________________________ __________
>>>> الرد الخامس :
وكاين هدي وصفة الاخت ام محمد
وصفة بوسو لاتمسو لي ام محمد تاج
بوسو لا تمسو من مطبخ ام محمد تااااج وصفة وضمووونة وسهلة واقتصادية وتذوب في الفم ممممممممممم
زوج كيلات زبدة طرية
نص كاس تاي حلب مع ماء الزهر مخلطين
زاست تاع القارص كسب الذوق
نص كاس نواد كوكو
نص كاس كاوكاو مرحي رقيق
والفرينة لمي بيها بصح العجينة تجي طرية بزاف ماتجيش يابسة
شكليه حربوووش وقصيه مقروضات وحطيهم يطيبو كي يطيبو لوحيهه في ماء الزهر والسكر قلاصي حتان يتغطى كامل
بالصحة ولهنا
