إستفسار حول المقروط من فضلكن من مطبخي

عنوان الموضوع : إستفسار حول المقروط من فضلكن من مطبخي
مقدم من طرف منتديات الضيافة العربية

السلام عليكم أخواتي و صح عيدكم جميعا
أنا كي نخدم مقروط العسل يجيني هايل ولكن لدي مشكلة تؤرقني هو أنو لوكان ما نحطوش في الثلاجة يصوفلي من داخل في مدة قصيرة يعني 4 إلى 5أيام
من فضلكن من لديها خبرة تجاوبني هل هذا عادي مع حرارة الجو أم هناك طريقة خاصة للحفظ يعني أين هو المشكل؟أنتظر رداودكن شكرا مسبقا يا حراير الجلفةhttps://host.xplainer.net/images/smilies/sdf.gifhttps://host.xplainer.net/images/smilies/sdf.gifhttps://host.xplainer.net/images/smilies/sdf.gif


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لاحظت مشكل هذا صرالي كي جربت وصفة فيها فرينة
بصح كي درت تاع سميد وحدو قعد كيما هو

__________________________________________________ __________

>>>> الرد الثاني :

و عليكم السلام و رحمة الله و بركاته

اهلا اختي

هناك احتمالين

الاول ربما ما طيبتيهش مليح اي قويتيله النار بزاف

لانه يطيب على درجة 180 الى 200 و مين يحمار من تحت شعلي الفور من فوق

الاحتمل الثاني انك حطيتيه في العلبة و هو ساخن و غلقتي عليه لان المقرود لازم يبرد تماما و ممبعد حطيه في علبة

نتمنى تكوني فهمتيني

__________________________________________________ __________

>>>> الرد الثالث :

المشكل فى الرطوبة l'humidité ممكن عندك الرطوبة بزاف فى الدار
أنا نستعمل السميد والفرينة لكن مايصوفليش
بلاك تكوني حطيتيه فى الكوزينة وكيما تعرفي الكوزينة فيها الطياب الحاجة راح تخسر فيها حتى وتكون فى بورت مونجي
ديريه فى بورت مونجي وحطيه فى مكان مهوي يعني فيه شوية هوا ماشي فى الكوزينة
هدا رأيي الخاص نتمنى يعطوك اجابات اخرى

__________________________________________________ __________

>>>> الرد الرابع :

المشاركة الأصلية كتبت بواسطة لينا11 https://host.xplainer.net/images/buttons/viewpost.gif لاحظت مشكل هذا صرالي كي جربت وصفة فيها فرينة بصح كي درت تاع سميد وحدو قعد كيما هو

شكرا الأخت لينا على ردك و لفت إنتباهي للفرينة هي وصفتي ما فيهاش كمية كبيرة من الفرينة يعني درت ملعقتين فقط في 2كغ سميد يعني ممكن يأثرو كل هذا التأثير و الله أنا حائرة

__________________________________________________ __________

>>>> الرد الخامس :

المشاركة الأصلية كتبت بواسطة ام سامي15 https://host.xplainer.net/images/buttons/viewpost.gif و عليكم السلام و رحمة الله و بركاته اهلا اختي هناك احتمالين الاول ربما ما طيبتيهش مليح اي قويتيله النار بزاف لانه يطيب على درجة 180 الى 200 و مين يحمار من تحت شعلي الفور من فوق الاحتمل الثاني انك حطيتيه في العلبة و هو ساخن و غلقتي عليه لان المقرود لازم يبرد تماما و ممبعد حطيه في علبة نتمنى تكوني فهمتيني

شكرا الأخت أم سامي على ردك. بالنسبة بالنسبة للإحتمال الأول أنا المقروط قليتوعادي
وعسلتو مباشرة و هو سخون و لكن تركتو حتى برد أو خبيتو
أرجو من عندها إحتمال ٱخر تفيدني