عيد ميلاد بنتي ريتال قاطو جزائري
عنوان الموضوع : عيد ميلاد بنتي ريتال قاطو جزائري
مقدم من طرف منتديات الضيافة العربية
مساء الخير عليكم حبيباتي
اليوم راني بين يديكم و حبيتكم تعاونوني نهار 26 افريل عيد ميلاد بنتي ريتال تقفل العام و بنتي ولدتها بعد 4 سنوات حابة نديرلها حاااااااااااااااااااجة top
ما عرفتش واش نطيب انواع القاطو اللي عندها انواع مليحة تعطيهالي و قولولي واش نحط
ربي خليكم لياااااااااااااااااااااااااااااااااااااااااااااا كامل وربي يعطيكم ما لاتتمنوا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
في عيد ميلاد ابني أحمد أمين الاول
درت
تيراميسو في اكواب فردية بداية مع العصير
من بعد درت الرفيس وقدمته مع اللبن ==عندنا عادة او ل مايحلق الصغير شعره نديرو الرفيس==
من بعد قدمت القهوة والحليب مع القاطو
درت مقروط وبقلاووة ومشكلة وقلوب الجلجلان
المشكلة عملت نوعين
من بعد لاتارت وصيت على تارت بالكرامال وقدمتها مع ليموناد
نتمنى نكون افدتك ونحوسلك ادا لقيت الصور
__________________________________________________ __________
>>>> الرد الثاني :
تفضلي من هنا
https://www.djelfa.info/vb/showpost.p...postcount=1013
__________________________________________________ __________
>>>> الرد الثالث :
diri tamina w lrfiss w 3 model d gateaux w la tarte d anniverssaire
__________________________________________________ __________
>>>> الرد الرابع :
اختي في الصباح كي يمشي وليدي للحفاف يدي معاه الزرير و الحلوى و في منتصف النهار نديرو الشخشوخة و في القهوة نديرو القاطو مع الحليب و القهوة و امبعد لا تارت مع الحلويات و القازوز و القاطو ديري واحد معسل مع البقلاوة و واحد ناشف او بالقلاساج و ديري قاطو سبيسيال اشكال منوعة للاطفال و صوريها و عقبال 100 سنة
__________________________________________________ __________
>>>> الرد الخامس :
ما كانش مساعدة ما واحدة عملت عيد ميلاد اولادها
نشكر أخواتي اللي اعطوني رايهم
