قاطو بالمورانغ بنين قاطو جزائري
عنوان الموضوع : قاطو بالمورانغ بنين قاطو جزائري
مقدم من طرف منتديات الضيافة العربية
السلام عليكم
قاطو هايل و شباب انا هذه الوصفة اديتها من الفيسبوك و جربتها اليكم المقادير
4 بيض
250غ زبدة
3 ملاعق كبيرة حليب
كأس الا ربع سكر ناعم
فاني
فرينة حسب ما يتلم
1 خميرة الحلويات
1 علبة معجون المشمش
350غ سكر عادي للمورانغ
طريقة التحضير
نفصل صفار البيض عن البياض ونزيدوا الحليب السكر الناعم الفاني عطر اللوز ونخلطوه بيدينا
ذوبوا الزبدة ونخلوها تبرد ونزيدوها للخليط بشوية وحنا نخلطوا
ونزيدوله الفرينة مع الخميرة حتى يتلم ويولي عجينة خفيفة ما نكترولهاش الفرينة خاطر غادي نبسطوها فالسني بيدنا لازم تكون طرية باش تعاونا
نحاولوا قد ما نقدوا نديروها قدقد ماشي جيها عالية وجيها هاودا ونتقبوها بالفرشيطة وندخلوها للفرن 15 حتى 20 دقيقة كل وحدة تعرف الكوشا تاعها
من جهة اخرى نوجدوا المورانغ نضربوا بياض البيض حتى يولي كي الرغوة
ونبقوا نزيدوله اللسكر غير بالشوية ونديرلها عطر اللوز والفاني
و كي نخرجو العجينة من الكوشة نطليها بالكونفتير اي قوط كامل ديريه ثم موغانج فوق الكونفتير
المورانغ بصح كي تكبي المورانغ حاولي توزعيها لاني حطيتها فالوسط ومشيتها والمعجون بقا يمشي معاها وسال لي مع الجوانب
ودردرت فوقها نوادكوكو ودخلتها للكوشة تتحمر من الفوقها نواد كوكو
ملاحظة مين يحمار طفي النار وخليه فالكوشة حتى تبرد باش المورانغ تشد روحا شوية
وطبعا زوقيه كيما تبغي
https://im32.gulfup.com/mC2eK.jpg
هنا بعد ما قطعته
https://im32.gulfup.com/NGhbH.jpg
https://im32.gulfup.com/691kZ.jpg
هذه هي الصينية
https://im37.gulfup.com/nvvig.jpg
بالصحة و العافية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بارك الله فيك على الوصفة
__________________________________________________ __________
>>>> الرد الثاني :
وصفة هايلة مشكورة عزيزتي
__________________________________________________ __________
>>>> الرد الثالث :
ممممممممممممم شكرا يبان هايل باش نبدلو شوية اعطينا ابعاد الصنية والله يعطيك الصحة
__________________________________________________ __________
>>>> الرد الرابع :
444444444444444444444444
__________________________________________________ __________
>>>> الرد الخامس :
حنان حنونة امممممممممم بارك الله فيك على الوصفه
