لكل المناسبات السعيدة.....صابلي روايال من مطبخي قاطو جديد
عنوان الموضوع : لكل المناسبات السعيدة.....صابلي روايال من مطبخي قاطو جديد
مقدم من طرف منتديات الضيافة العربية
بسم الله الرحمان الرحيم
السلام عليكم اخواتي الغاليات ان شاء الله الكل بصحة وعافية.
جبتلكم اليوم حلوى كنت عملتها في عرس سلفتي ربي يهنيها ويسعدها لعقوبة لكل العازبات ان شاء الله نفرحوا بهم كامل .
هذا الحلوى عبارة عن صابلي مزين بعجينة اللوز وصفة اقتصادية وتحمر الوجه قدام الضياف.
https://https://cdn.top4top.net/i_ef21d126631.jpg
المقادير:
250غ مرقرين
120غ سكر رطب
بيضة+صفار بيضة
كاس نشاء
نصف م ص خميرة حلوى
فاني
ملون بنفسجي
فرينة
للتزيين:
لاجولي
عجينة اللوز الاصطناعية
ملون بنفسجي ،اخضر،وردي،ابيض
الطريقة:
بواسطة الخلاط الكهربائي نخلط المرقرين مع السكر جيدا نضيف البيضة مع الصفار ونستمر في الخلط ثم الفاني والخميرة والنشا والملون البنفسجي ونلم بالفرينة
نغطي العجينة ونخليها ترتاح في الثلاجة لتسهيل بسطها
نرش طاولة العمل بالنشا احسن من الفرينة ونبسط العجينة ونقطعها دوائر
https://https://cdn.top4top.net/i_1657d3af081.jpg
ندخلها للفرن تطيب من بعد نلصق كل زوج حبات بالمعجون
الان نقوم بتزيين الحلوى
راح نحتاج الى طابع المعمول حجم صغير ومول السليكون على شكل عنقود عنب
https://https://cdn.top4top.net/i_64cab2628f1.jpg
ناخذ كمية من عجينة اللوز نضيفلها ملون ابيض بواسطة الفرشاة نحط كمية من الملمع الفضي في مول المعمول ونحط عجينة اللوز راح نتحصل على شكل دائري قيس حبة الصابلي لي عملنا نحطها فوقه ممكن نلصقها بشوية من لاجولي حتى تتثبت جيدا
بعدها ناخذ لاجولي ونضيفله ملون بنفسجي ونحطه في الوسط
https://https://cdn.top4top.net/i_d0ec08026a1.jpg
ناخذ كمية من عجينة اللوز نضيفلها ملون وردي+ بنفسجي وكمية اخرى نلونها بالاخضر ونحطها في مول السليكون راح نتحصل على عنقود عنب نزين به حبات الصابلي
نحط الحلوى في ليكيسات ونقدمها
https://https://cdn.top4top.net/i_cc53d6fcaf1.jpg
شوفو شكلها ما احلاه
https://https://cdn.top4top.net/i_61c2eb3c991.jpg
عن قرب
https://https://cdn.top4top.net/i_cd1f040df41.jpg
ان شاء الله تعجبكم الحلوى وتجربوها في افراحكم ومناسباتكم السعيدة ادام الله الفرحة في كل البيوت الجزائرية
ولا تنسوني من صالح الدعاء ولكن بالمثل
ملاحظة:
بالنسبة لعجينة اللوز نضيفللها كمية قليلة من الغلوكوز ونعجنها حتى تطرى اذا لقيناها تتلاصق بزاف نضيفلها كمية من اللوز يكون مرحي غبرة واذا ماكانش نضيفلها شوية نشاء
في امان الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
رووووووووووووووووووووووووووووووووووووووووووووووووو وووووووووووووووووووووووعة بارك الله فيك
__________________________________________________ __________
>>>> الرد الثاني :
عندي سؤال وااااااحد حنونتي الصابلي لصقتيهم زوج زوج ولا عملتي وحدة فقط ودرتي فوقها عجينة اللوز خاطر راهي تبانلي الحبة عالية
__________________________________________________ __________
>>>> الرد الثالث :
4444444444444444 رائع
__________________________________________________ __________
>>>> الرد الرابع :
ماشااااااااااااء الله سلمت يداكي
__________________________________________________ __________
>>>> الرد الخامس :
اهلا بالغالية بشرى
شكرا على مرورك الطيب ياطيوبة
لعقوبة مانفرحو بك انت والهام وكل العازبات لي في المنتدى https://host.xplainer.net/images/smilies/mh31.gif