الورشه ال__19__ للمبتدئات هلمو ..سطايفيه للتفصيل و الخياطة

عنوان الموضوع : الورشه ال__19__ للمبتدئات هلمو ..سطايفيه للتفصيل و الخياطة
مقدم من طرف منتديات الضيافة العربية

https://im60.gulfup.com/mKzSsh.pnghttps://img844.imageshack.us/img844/9412/bher.jpg

السلام عليكم و رحمة الله

مدام كاين الوقت و رانا قاعدين

هياو نخيطو حويجه للصيف خفيفه و ساااهله

جيبي قماشك 2 متر و 30 سم لون مغاير

تطبقيه على 4 و تطراسي قياساتك نتي عليه

و تهبطي من امام ب 16 سم و الخلف ب 6سم

عرض الكتف درتو 10 و فتحه الرقبه 8

و فتحة الذراع 24سم

و كيما نقولكم كل وحدة و قياساتها

و نفصل سجاف الرقبه من الامام و الخلف

https://im45.gulfup.com/e7ElCu.jpg

و هنا فصلنا لي مونش انا حبيتهم مناشات دوبلي يعني وحده صغيره فوق لكبيره

https://im45.gulfup.com/LabEST.jpg

تسرفلي الطراف لي عندك كامل

نركب السجاف في الجيهتين

و قبل مانقلب لداخل نكرونتي كيما راكي

تشوفي في الشلطات الحومر

و بالاكي تقطعي لخياطه

https://im45.gulfup.com/dv2D02.jpg

و من بعد تجملي لكتاف مع بعض الامام و الخلف

و تخيط الكتف مع الكتف و السجاف مع السجاف

و تقلبي و ترقدي لخياطه و تحدي مليح

https://im45.gulfup.com/IeL5xJ.jpg

و من بعد تركبي لمراوح تاوعك

انا ديكاليت الوحده على الاخرى

الفوقانيه كثرتلها النقشات و السفلى خففتهم

و جاو هكذا

https://im45.gulfup.com/O1ecm8.jpg

و نخدم بياسات تحت الكتف

ديكوراسيون برك نشبح بيهم

وتحبي ما ديريهمش نتي حره

https://im45.gulfup.com/NLW6Si.jpg

نخدم دي بانس من امام و من خلف

عرضهم 2 سم راكي تزيدي حقهم في لفصاله

ولي من خلف نقطعهم من بعد

نقولكم واش نبلاسيو فيهم اوكي

https://im45.gulfup.com/21fsZK.jpg

تفصلي مستطيلات باش نشكلوهم بابيونات نديكوريو بيهم روبتنا

زوج صغار و وحده كبيره طولها

قد المسافه بين البانس و البانس

في الظهر و اكيد تزيدي حق لخياطه

https://im45.gulfup.com/buIWq4.jpg

و هكذا جاونا

https://im45.gulfup.com/5crVNW.jpg

تبلاسي تاع الظهر

و تخيطي و تحكميها في الوسط بخياطه باش يتثبت البابيون

https://im69.gulfup.com/pJUXLI.jpg

و من امام تبلاسيهم بهاذ الشكل و نتي حره

https://im69.gulfup.com/i6HUGY.jpg

https://im69.gulfup.com/lVT1f9.jpg

و خلصنا بحمد الله و نعمته

و هايليك زوليخه تتقلش

https://im69.gulfup.com/M7h10s.jpg

https://im69.gulfup.com/csT1Ax.jpg

دعواتكم لي

https://im74.gulfup.com/bnYGsz.png

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورة حنونة جعلها الله في ميزان حسناتك

__________________________________________________ __________

>>>> الرد الثاني :

رائع
الله يحفظ ديك اليديوات
عندك افكار ما شاء الله

__________________________________________________ __________

>>>> الرد الثالث :

غير بالعقل يا سطوف راني غير نجري من ورشة لورشة قريب نزلق راني في دارنا عمرتلهم كامل الدار بالجرنان.درك احاوزوني

__________________________________________________ __________

>>>> الرد الرابع :

بارك الله فيك
يا ريت تزيدينا وريسات كيما هاذو
حنونة ربي يجعلها في ميزان حسناتك ويضوي قبر المرحوم ابوك

__________________________________________________ __________

>>>> الرد الخامس :

يعطيك الصحة انا هادا وين نتعلم فالخياطة ان شاء الله تكون القندورة تاعك اول تطبيق ليا https://host.xplainer.net/images/smilies/smile.gif